თეიმურაზ ჭეიშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1977 წელს.

1978-1981წწ. მუშაობდა სამშენებლო გაერთიანება "თბილგვირაბმშენში" ცვლის უფროსად; 1981-1989წწ. "თბილქალაქმშენის" N1 სახლმშენებელ კომბინატში სამუშაოთა მწარმოებლად და სამონტაჟო ნაკადის უფროსად; 1989-1992წწ. კოოპერატივ "მშენებლის" მთავარ ინჟინრად; 1992-1993წწ. მუშაობდა სამშენებლო საწარმო "სპექტრი 92"-ის დირექტორად; 1993 წლიდან სააქციო საზოგადოება "ინტურიმშენი-კამარას" ტრესტ "ინტურმშენტრანსმომარაგების" მთავარ ინჟინრად, შემდეგ იმავე ტრესტის მმართველის მოადგილედ; 1995 წელს იყო სააქვიო საზოგადოება "ინტურმშენი-კამარას" ტრესტ "ინტურმშენტრანსმომარაგების" N1 სამშენებლო სამონტაჟო სამმართველოს უფროსი; 1996-2013წწ. შპს "მშენებლობა, დიზაინი, რეკონსტრუქციას" დირექტორი; 2013 წლიდან შპს "საქართველოს გაერთიანებული სამელიორაციო სისტემების კომპანიაში" სარეაბილიტაციო სამუშაოების საწარმოო ტექნიკური უზრუნველყოფის სამმართველოს უფროსი; განხორციელებული აქვს და მონაწილეობდა შემდეგ პროექტებში: საქართველოს შსს საგანგებო სიტუაციების დეპარტამენტის შენობის რეკონსტრუქცია, თბილისის აეროპორტის ტერიტორიაზე სანავიგაციო კოშკის შენობის რეკონსტრუქცია-რემონტი, "ექსიმბანკის" სათაო ოფისის რეკონსტრუქცია-რემონტი, განათლების სამინისტროს სასწავლო კორპუსის სარემონტო ბალეტის შენობის გამაგრებისა და სარემონტო სამუშაოები, ქ. თბილისის არქიტექტურისა და პერსპექტიული განვითარების სამსახურის ადმინისტრაციული შენობის რემონტი, საქართველოს მაგისტრალური მილსადენის კომპანიის ადმინისტრაციული შენობისა და სხვადასხვა შენობა-ნაგებობის რეკონსტრუქცია-რემონტი; მუშაობის სხვადასხვა პერიოდში მონაწილეობდა მუნიციპალური ინფრასტრუქტურული პროექტების და კერძო ბინათმშენებლობის განხორციელებაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.696-697