იოსებ ხალვაში

დაბადების ადგილი: ქ. ბატუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1964 წელს; თბილისის საერთაშორისო ეკონომიკური ურთიერთობების ინსტიტუტი ეკონომიკურ ურთიერთობების სპეციალობით.

1957 წელს დაიწყო შრომითი საქმიანობა "აჭარკოოპკავშირის" სარემონრო კანტორაში, კომპლექსური ბრიგადის ხელმძღვანელად; 1960-1966წწ. მუშაობდა საქართველოს მშენებლობის სამინისტროს N5 სამშენებლო ტრესტის N2 სამშენებლო-სამონტაჟო სამმართველოში მშენებელ ოსტატად; 1966-1970წწ. სამრეწველო საწარმოების კომბინატის საყალიბო საამქროს უფროსად; 1971-1973წწ. სამშენებლო სამმართველოს მთავარ ინჟინრად; 1971-1973წწ. ჭოროხის ინერტული მასალების ქარხნის დირექტორად; 1973-1974წწ. N5 სამშენებლო ტრესტის საწარმოო კომბინატის დირექტორად; 1974-1982წწ. იყო აჭარის მინისტრთა საბჭოსთან არსებული საგზაო სამმართველოს უფროსი; 1982-1991წწ. საქართველოს მშენებლობის სამინისტროს N5 სამშენებლო ტრესტის მმართველი; 1991-2002წწ. აჭარის არქიტექტურისა და მშენებლობის საქმეთა და აჭარის ურბანიზაციისა და მშენებლობის მინისტრი, კომერციულ ბანკ "ლიბერთის" მმართველის მოადგილე ადმინისტრაციისა და მშენებლობის დარგში; შპს "ჭოროხი-2009"-ის დირექტორია; დაჯილდოებულია სახელმწიფო ჯილდოებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.711

• საქართველოს დამსახურებული ინჟინერი