თენგიზ ხოსიტაშვილი

დაბადების ადგილი: სოფელი ბოდბისხევი, სიღნაღის რაიონი.

დაამთავრა საქართველოს პოლიტექნიკური ინსტიტუტის მექანიზაციის ფაკულტეტი 1950 წელს.

1950-1952წწ. მუშაობდა საბჭოთა კავშირის დამზადების სამინისტროს გიორგიევსკის ქარხანაში ტექნიკური განყოფილების უფროსად; 1952-1967წწ. საქართველოს მშენებლობის სამინისტროს სამშენებლო ტრესტ "საქშახტმშენის" სამონტაჟო სამმართველო "საქშახტმონტაჟში" ინჟინრად, სამონტაჟო უბნის უფროსად; 1967-1971წწ. ხელმძღვანელობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" სამონტაჟო სამმართველოს; 1971-1975წწ. საქართველოს სასოფლო მშენებლობის სამინისტროს ტრესტ "საქსოფლმშენმონტაჟს"; 1975-1986წწ. რესპუბლიკური გაერთიანება "საქსოფტექნიკის" სპეციალიზებულ ტრესტს; 1986-1994წწ. რესპუბლიკურ გაერთიანება "საქაგრომონტაჟს"; 1994 წლიდან სს "აგრომონტაჟის" გენერალური დირექტორი იყო; ხელმძღვანელობდა მრფრინველეობისა და მეცხოველეობის კომპლექსების, სასათბურე მეურნეობების, საკონსერვო, ღვინის, ჩაის ქარხნებისა და სხვა სოციალური დანიშნულების ობიექტების სპეცსამონტაჟო (გათბობის, სავენტილაციო, სანტექნიკისა და გაშვება-გამართვის) სამუშაოების წარმოებას; მიღებული აქვს სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.724

• საქართველოს დამსახურებული ინჟინერი