ბოგდან ხუგაშვილი

დაბადების ადგილი: სოფელი ოსიაური, ახმეტის რაიონი.

დაამთავრა თბილისის სარკინიგზო ტრანსპორტის ინჟინერთა ინსტიტუტი რკინიგზის ელექტრიფიკაციის განხრით 1958 წელს.

1958-1960წწ. მუშაობდა როსტოვ-იაროსლავის, შემდგომ კუიბიშევის რკინიგზის ელექტრიფიკაციის სამუშაოების განმახორციელებელ ორგანიზაციებში; 1960 წლიდან მუშაობა დაიწყო ქ. თბილისის მეტროპოლიტენის მშენებლობაზე ერთ-ერთ სამშენებლო ორგანიზაციაში; 1960-1968წწ. იყო N8 შახტის მექანიკოსი; 1968-1976წწ. მუშაობდა სამშენებლო სამმართველოს მთავარ მექანიკოსად; ამ წლების განმავლობაში მონაწილეობა მიიღო ქ. თბილისის მეტროს I და II რიგის, მეტეხის საავტომობილო გვირაბების, მეჯვრისხევის მეფრინველეობის კომპლექსის და სხვა მშენებლობებში; 1976-1986წწ. მუშაობდა როკის საავტომობილო გვირაბის (ჩრდილოეთი მხრიდან) მშენებლობის მთავარ ინჟინრად, გვირაბის საექსპლუატაციოდ ჩაბარებამდე; 1986 წლიდან მუშაობდა ქ. თბილისის მეტროპოლიტენის ახალი ხაზის "რუსთაველი-ვაზისუბნის" N66 შახტის უფროსად; შრომითი საქმიანობის პერიოდში დაჯილდოებული იყო არაერთი საპატიო სიგელით; არის 200-მდე რაციონალიზატორული წინადადების ავტორი, რომელთა დანერგვამ მნიშვნელოვნად გააუმჯობესა უსაფრთხო შრომისა და წარმოების პირობები, ასევე მნიშვნელოვნად შეამცირა სამშენებლო სამუშაოების ღირებულება.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.728

• შრომის ვეტერანი
• ღირსების ორდენი