ელგუჯა ხუნდაძე

დაბადების ადგილი: ჩოხატაურის რაიონი.

დაამთავრა ქ. თბილისის სამთო-გეოლოგიური ტექნიკუმი 1953 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1971 წელს.

1953-1958წწ. მუშაობდა სამთო-სამრეწველო ტრესტ "საქნახშირის" სამშენებლო სამმართველოში მშენებელ ოსტატად, სამუშაოთა მწარმოებლად; 1958-1964წწ. საქართველოს შინაგან საქმეთა სამინისტროს სამშენებლო სამმართველოში სამუშაოთა მწარმოებლად; 1965-1977წწ. იყო სამშენებლო საწარმოო ტრესტ "საქჰიდროენერგომშენის" გაგრის სამშენებლო სამმართველოს სამუშაოთა მწარმოებელი, უბნის უფროსი; 1978-1979წწ. ხელმძღვანელობდა საქართველოს მშენებლობის სამინისტროს სამშენებლო ტრესტ "კურორტმშენის" (ყოფილი "ბიჭვინთმშენის") N2 სამშენებლო სამმართველოს და 1980-1992წწ. აფხაზეთის ავტონომიური რესპუბლიკის საბინაო-კომუნალური მეურნეობის სამინისტროს გაგრის ზონის სამშენებლო-სარემონტო სამმართველოს; 1994-2000წწ. შპს "პერსპექტივას"; მისი ხელმძღვანელობით აშენდა, გაგრის ზონაში, ლესელიძის ოლიმპიური მომზადების სპორტული კომპლექსი, ხიდი გაგრის შემოვლით საავტომობილო გზაზე, სარეგულაციო კაშხალი მდ. იუფშარაზე, რიწის ტბასთან; აქტიურად მონაწილეობდა და ხელმძღვანელობდა ქ. გაგრის ზონის საცხოვრებელი, კულტურულ-საგანმანათლებლო, ჰიდროტექნიკური და საკურორტო დანიშნულების ობიექტების მშენებლობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.728-729