პეტრე ხურცილავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1973 წელს.

1973-1975წწ. კომკავშირულ სამუშაოზეა; 1975 წლიან საქართველოს სოფლის მეურნეობის სამინისტროს N1 სამშენებლო ტრესტის წარმოების უფროსად მუშაობდა; 1981 წლიდან ქ. თბილისის საქალაქო საბჭოს აღმასკომის საგზაო მეურნეობის სამმართველოს საკარიერო მეურნეობის სამმართველოს მთავარი ინჟინერი იყო; 1982 წელს დაინიშნა საგზაო მეურნეობის სამმართველოს სპეც. სამშენებლო სამმართველოს უფროსად; 1985 წლიდან საკარიერო მეურნეობის სამმართველოს უფროსად; 1994-1996წწ. ქ. თბილისის მერიის ფირმა "საშენმასალების" გენერალური დირექტორი და მერიის მშენებლობისა და კეთილმოწყობის დეპარტამენტის თავმჯდომარის მოადგილე იყო; 2001 წლიდან სააქციო საზოგადოება "საშენმასალების" გენერალური დირექტორია; მონაწილეობდა საქართველოს სსრ სახალხო მეურნეობის მიღწევათა გამოფენის (ახლანდელი "ექსპო ჯორჯია") ორი ცენტრალური პავილიონის მშენებლობაში, კახეთის რეგიონში თამბაქოს მეურნეობათა საწარმოო შენობა-ნაგებობების, სმოლენსკის ოლქში იური გაგარინის მემორიალის, ქ. თბილისში რესპუბლიკის მოედნის მშენებლობაში, დედაქალაქის ქუჩებისა და ძველი უბნების კეთილმოწყობისა და განაშენიანების სამუშაოებში; ხელმძღვანელობდა საქართველოში პირველი გერმანული ასფალტბეტონის ქარხნისა და საკარიერო მეურნეობის მრავალფუნქციური საწარმოს ამოქმედებას, თბილისის რაიონებში ადმინისტრაციული და საცხოვრებელი ობიექტების მშენებლობას; საქართველოს არქიტექტორთა და მშენებელთა საენციკლოპედიო-საგამომცემლო ფონდის წევრი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.730

• საქართველოს მშენებელთა კავშირი, წევრი