თენგიზ ჯაფარიძე

დაბადების ადგილი: დაბა კასპი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი  სამრეწველო და სამოქალაქო მშენებლობის სპეციალობით 1963 წელს.

1963-1964წწ. მუშაობდა საქართველოს მშენებლობის სამინისტროს სამშენებლო ტრესტ "საქშახტმშენის" ახალციხის სამშენებლო სამმართველოში მშენებელ ინჟინრად; 1964-1971წწ. საქართველოს სასოფლო მშენებლობის სამინისტროს სისტემაში ინჟინრად, უფროს ინჟინრად, საწარმოო-ტექნიკური განყოფილების უფროსად, მოძრავ-მექანიზებული კოლონის მთავარ ინჟინრად, ამავე კოლონის უფროსად; 1977-1991წწ. იყო იმავე სამინისტროს სამშენებლო-სამონტაჟო ტრესტ "საქსათბურმშენის" მთავარი ტექნოლოგი, ტრესტის მმართველის მოადგილე; 1991-1994წწ. საქართველოს კომუნალური მეურნეობის სამინისტროს სამშენებლო ტრესტ "საქკომუნმშენისა" და საწარმოო ტრესტ "საქკომუნმრეწვის" მმართველის მოადგილე და პირველი მოადგილე; 1995-1997წწ. იყო შპს "ბემისა" და შპს "დავით სარაჯიშვილი და კომპანიის" დირექტორი; 1997 წლიდან ს/ს "სარაჯიშვილის" დირექტორი და სამეთვალყურეო საბჭოს თავმჯდომარის მოადგილეა; აქტიურად იყო ჩართული და მონაწილეობდა კრწანისის, კინდღის, ოხურეის, ბიჭვინთის, წეროვანის სასათბურე კომბინატების, საგარეჯოს მეფრინველეობის ფაბრიკის, დაბა "ივერიის" (ყიზლარის ზამთრის საძოვრებზე) მშენებლობაში; დაჯილდოებულია დარგობრივი სამინისტროების საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.745

• საქართველოს მშენებელთა კავშირი, წევრი

• საპატიო ნიშნის მედალი
• ღირსების მედალი