იაშა ჯეჯელავა

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1951 წელს.

1951-1954წწ. მუშაობდა საქართველოს მშენებლობის სამინისტროს სისტემაში სამუშოთა მწარმოებლად, უბნის უფროსად; 1958-1993წწ. სპეციალიზებული სამშენებლო სამმართველოს მთავარ ინჟინრად, უფროსად; მისი მონაწილეობითა და ხელმძღვანელობით აშენდა თბილისის სატელეფონო აპარატურის ქარხანა, საცხოვრებელი სახლები, "საჭაშნიკე" გ. ნიკოლაძის ქუჩაზე, საქართველოს კვების მრეწველობის სამინისტროს საპროექტო ინსტიტუტის ადმინისტრაციული შენობა ილია ჭავჭავაძის გამზირზე, კინოთეატრი და ბიბლიოთეკა-სამკითხველო საბურთალოს რაიონში ვაჟა-ფშაველას გამზირზე და მრავალი სხვა; 1993 წლიდან სს "ხიმინჯის" დირექტორის მოადგილე და გენერალური დირექტორი იყო; მნიშვნელოვანი წვლილი აქვს შეტანილი საქართველოს მშენებლობის სამინისტროს სისტემის ფარგლებში განხორციელებულ მშენებლობებზე ხიმინჯიანი (როგორც მონოლითური, ისე ანაკრები) საძირკვლების მოწყობის ათვისებისა და დანერგვის საქმეში; მათი გამოყენებით მხოლოდ თბილისში 300-ზე მეტი საბინაო სამრეწველო და საყოფაცხოვრებო დანიშნულების ობიექტი აშენდა; არის არაერთი გამოგონების ავტორი; მიღებული აქვს სხვა სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.747-748

• საპატიო ნიშნის ორდენი