ელენე ბროძელი-ანტონოვსკაია

დაბადების ადგილი: ქ. თბილისი.

სასცენო საქმეში 1870-იან წლებში, ნ. ავალიშვილის მიერ შექმნილ ჯგუფში ჩაება. 1880-იან წლებში იყო მუდმივი ქართული დასის წევრი, მონაწილეობდა რევოლუციურ მოძრაობაში, როგორც 1870-1880-იანი წლების ხალხოსანი. გარდა ამისა, 1870-იანი წლებიდან ელენე ბროძელი-ანტონოვსკაია, სხვა რამდენიმე ქალთან ერთად, აქტიურად იყო ჩართული ქალთა მოძრაობაში და ხელს უწყობდა საზოგადოებაში ქალის როლის ამაღლებას. როგორც განათლებული, მამულის მოყვარული და შეგნებული, დაუზარებლად მუშაობდა ყველა ასპარეზზე, რაც კი ქვეყნის მდგომარეობას წინ წასწევდა (სამწერლო, სათეატრო, საქველმოქმედო და სხვ.). მუშაობდა გადამწერად გამომცემლობებში, ცხოვრობდა პირადი შრომით. წერდა "დროებაში", "ივერიაში", "ცნობის ფურცელში" და სხვ. საზოგადო მოღვაწე. 1907 წელს ელენე ბროძელი-ანტონოვსკაიამ ხელი მოაწერა რუსეთის საწინააღმდეგო "ქართველი ხალხის პეტიციას", რომელიც ჰააგის კონფერენციაზე გაიგზავნა.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.174; netgazeti.ge

• ქართველთა შორის წერა–კითხვის გამავრცელებელი საზოგადოება, წევრი

• მარსელელნი : მოთხრობა საფრანგეთის XVIII საუკუნის რევოლუციის ისტორიიდამ (მთარგმნელი). - ტფილისი, ზ. ჭიჭინაძის გამოც., (სტ. "შრომა"), 1911. - 198გვ.