ნიკოლოზ ბერუჩაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1970 წელს.

1970-1982წწ. მუშაობდა თბილისის სახელმწიფო უნივერსიტეტის ფიზიკური გეოგრაფიის კათედრაზე - დოცენტი; 1982-2006წწ. - თბილისის სახელმწიფო უნივერსიტეტის კარტოგრაფია-გეოინფორმატიკის კათედრის გამგე; 1970-2006წწ. იყო თბილისის სახელმწიფო უნივერსიტეტის მარტყოფის ფიზიკურ-გეოგრაფიული სტაციონარის გამგე და 1979-2006წწ. აეროკოსმოსური მეთოდებით გარემოს მდგომარეობის შესწალის სამეცნიერო კვლევითი ლაბორატორიის გამგე; 1995-2000წწ. სოროსის ფონდის პროფესორი; 2001-2006წწ. "კავკასიის გეოგრაფიული ჟურნალის" დამაარსებელი და მთავარი რედაქტორია; 2004-2006წწ. საერთაშორისო გეოგრაფიული კავშირის მსოფლიო კომისიის ლანდშაფტის ანალიზის პრეზიდენტი. ფრანგ გეოგრაფთან ჟან რადვანთან ერთად ავტორია ატლასისა - "კავკასიის გეოპოლიტიკური ატლასი"; არის 220 სამეცნიერო ნაშრომის, მათ შორის 16 მონოგრაფიის, 10 სახელმძღვანელოს (5 უმაღლესი სასწავლებლების, 5 საშუალო სკოლის) ქართულ, რუსულ, ფრანგულ, ინგლისურ, გერმანულ და სხვ. ენებზე). საკანდიდატო (1971) და სადოქტორო დისერტაცია (1981) დაიცვა მოსკოვის სახელმწიფო უნივერსიტეტში. გეოგრაფიულ მეცნიერებათა დოქტორი (1981), პროფესორი (1983). ლანდშაფტმცოდნე, კარტოგრაფი. 

წყარო: IGU InternationalGeographical Union:homeofgeography.org; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.214; კარგ ქართველთა საფლავები: geonecropol.ge; თბილისის სახელმწიფო უნივერსიტეტი: encyclopedia.tsu.ge

• საქართველოს გეოგრაფიული საზოგადოება, ვიცე-პრეზიდენტი (1996-2006)

• 2003 - ღირსების ორდენი
• 2000 - ღირსების ორდენი

• საქართველოს გეოგრაფია : მე-9 კლასი : მასწავლებლის წიგნი (თანაავტორი). - თბილისი, კლიო, 2012. - 56გვ.
• საქართველოს გეოგრაფია : მე-9 კლასი : მოსწავლის წიგნი (თანაავტორი). - თბილისი, კლიო, 2012. - 264გვ.
• კავკასიის გეოპოლიტიკური ატლასი : რუსეთი, საქართველო, სომხეთი, აზერბაიჯანი: შესაძლებელია საერთო მომავალი? (თანაავტორი). - თბილისი, ბაკურ სულაკაურის გამ-ბა, 2011. - 80გვ.
• გეოგრაფიის შესავალი : მე-10 კლასი (თანაავტორი). - თბილისი, ქართული ბიოგრაფიული ცენტრი, 2009. - 144გვ.
• საქართველოს და მსოფლიოს გეოგრაფია : მე-7 კლასი (თანაავტორი). - თბილისი, ქართული ბიოგრაფიული ცენტრი, 2009. - 140გვ.