თეიმურაზ ჩიგოგიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1976 წელს.

1976-1977 წლებში  იყო ქ. თბილისის მე-2 კლინიკური საავადმყოფოს ქირურგი-ინტერნი; 1978-1979 წლებში ქარელის რაიონის დაბა აგარის ზოგადი ქირურგი; 1979-1981 წლებში მუშაობდა საქართველოს ჯანდაცვის სამინისტროს ა. წულუკიძის სახელობის  უროლოგიის ინსტიტუტის ხელოვნური თირკმლის განყოფილების უროლოგად, 1983 წლიდან განყოფილების გამგედ, 1990-1991 წლებში იყო განყოფილების უფროსი მეცნიერი თანამშრომელი, 1992-2005 წლებში  ა. წულუკიძის სახელობის  უროლოგიის ეროვნული ცენტრის მეცნიერი თანამშრომელი. 1998 წლიდან არის ივანე ჯავახიშვილის სახელობის თბილისის სახელმწიფო უნივერსიტეტის სამედიცინო ფაკულტეტის უროლოგიის  კათედრის გამგის მოადგილე, 2000-2005 წლებში ამავე უნივერსიტეტის  სამედიცინო ფაკულტეტის დეკანის მოადგილე სამეცნიერო დარგში. მედიცინის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ.-თბ.,2012.-გვ.182; ალ. წულუკიძის სახელობის უროლოგიის ეროვნული ცენტრი: urologycenter.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.108

• ამერიკის უროგინეკოლოგთა ასოციაცია, წევრი
• ევროპის უროლოგთა ასოციაცია, წევრი
• საქართველოს უროგინეკოლოგთა ასოციაცია, პრეზიდენტი
• საქართველოს უროლოგთა ასოციაცია, წევრი
• ქირურგთა საერთაშორისო კოლეჯი, წევრი

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1998-2000 წლებში შესრულებულ შრომათა ციკლისათვის - "შარდის დერივაციისა და ენტეროცისტოპლასტიკის ახალი მიმართულებები - ხელოვნური შარდის ბუშტის ფორმირება ნაწლავის დეტუბულირებული სეგმენტით"
• 1999 - ღირსების ორდენი
  მოსახლეობის ჯანმრთელობის დაცვაში შეტანილი პირადი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის