რამაზ ქურდაძე

დაბადების ადგილი: დაბა სურამი.

დაამთავრა ნიკოლოზ ბარათაშვილის სახელობის გორის სახელმწიფო პედაგოგიური ინსტიტუტის ის­ტორია-ფილოლოგიის ფაკულტეტი 1983 წელს; 1983-1986 წწ. გაიარა ასპირანტურის სრუ­­­ლი კურსი თბილისის სახელმწიფო უნივერსიტეტის ახალი ქართული ენის კათედრაზე პროფ. ე. ბაბუნაშვილის ხელმძღვანელობით.

1983 წლიდან ეწევა პე­დაგოგიურ მოღვაწეობას: 1983-1984 წწ. მუშაობდა მასწავლებლად სო­ფელ კალის (მესტიის მუნიციპალიტეტი) საშუალო სკოლაში; 1987 წლიდან არის თბი­ლი­სის სახელმწიფო უნივერსიტეტში მასწავლებელი, დოცენტი, ფილოლოგიის მეცნიერებათა დოქ­­­ტორი, პროფესორი (2000). სხვადასხვა დროს მუშაობდა რუსთავის ქართულ გიმ­ნა­ზი­­აში, ცხინვალის სახელ­მწი­ფო პედაგოგიურ ინსტიტუტში, გორის ეკონომიკურ ინ­ს­ტი­­ტუტსა და სულხან-საბა ორბელიანის სახელობის პედაგოგიურ უნივერსიტეტში; ქართულ ენას ასწავლიდა საზღვარგარეთ: ნიუ იორკის სახელმწიფო უნივერსიტეტში, სტონი ბრუკში, აშშ (2007-2008), დარტმუთის კოლეჯში, აშშ (2011, 2013), ბრემენის უნივერსიტეტში, გერმანია (2015), ლეიდენის უნივერისტეტში, ნიდერლანდების სამეფო (2012, 2016, 2018); 2010 წელს გახდა შოთა რუსთაველის სახელობის სტიპენდიანტი.

საკანდიდატო დისერტაციის თემა - "ქართული ენის ქართლური დიალექტის ლიახვისა და ფრონის ხეობათა მეტყველება", დაიცვა 1987 წელს.

სადოქტორო დისერტაციის თემა - "ხმოვანმონაცვლე ზმნები თანამედროვე ქართულში", დაი­ც­ვა 1999 წელს.

• ქართული ენა = The Georgian language : ქართული ენის პრაქტიკული კურსი უცხოელებისათვის : მესამე გამოცემა (ავტორი) // წ. 1. - თბილისი , თბილ. უნ-ტის გამ-ბა, 2019. - 153გვ.. - ISBN: 978-9941-13-810-2
• ქართულ-მეგრულ-ლაზურ-სვანურ-ინგლისური ლექსიკონი (თანაავტორი). - თბილისი, პეტიტი, 2015. - 244გვ.. - ISBN: 978-9941-9386-8-9
• თანამედროვე ქართული ენის სოციალურ-კულტურული ასპექტები (ავტორი). - თბილისი, თბილ. უნ-ტის გამ-ბა, 2012. - 148გვ.. - ISBN: 978-9941-13-222-3
• სვანური ენა, გრამატიკული მიმოხილვა, ტექსტები, ლექსიკონი (თანაავტორი). - თბილისი, პეტიტი, 2007. - 387გვ.. - ISBN: 978-99940-944-6-2
• ხმოვანმონაცვლე ზმნები თანამედროვე ქართულში (ავტორი). - თბილისი, 2005. - 239გვ.. - ISBN: 99940-0-618-5