მარიამ გვიჩია-პატარაია

დაბადების ადგილი: სოფელი გულეკარი, აბაშის რაიონი.

1907-1907წწ. სწავლობდა ფოთის ქალთა პროგიმნაზიაში. სცენაზე პირველად გამოვიდა სოფელ ჭალადიდში გამართულ სახალხო წარმოდგენაში (თალიკოს როლი). სასოფლო-სახალხო სცენისმოყვარულთა წარმოდგენებში მონაწილეობდა სრულიად უფასოდ (აბაშა, ზუგდიდი, გალი, სუჯუნა). 1921 წლიდან იყო ზუგდიდის თეატრის (შემდეგ ზუგდიდის სახელმწიფო თეატრი) მსახიობი. ასრულებდა სახასიათო, კომედიურ როლებს.  შესრულებული აქვს შემდეგი როლები: დარისპანის ცოლი ("დარისპანის გასაჭირი"), დიასახლისი ("ქრისტინე"), სალიხე ("ვინ არის დამნაშავე?"), ანაიდა ("ბრმა მემუსიკე"), ქალი მანტოთი ("ანზორი") და სხვ.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.594