ნიკოლოზ იაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის აგრონომიის ფაკულტეტი 1925 წელს.

1928 წლიდან მუშაობდა თბილისის სახელმწიფო უნივერსიტეტში, 1929-1935წწ. სასოფლო-სამეურნეო და ზოოვეტერინარულ ინსტიტუტებში; ასევე სასოფლო-სამეურნეო პროფილის სხვა­და­სხვა დაწესებულებაში ეწეოდა სამეცნიერო-პედაგოგიურ მოღვაწეობას; 1930-1934წწ. იყო ამიერკავკასიის მეცხოველეობის სამეცნიერო-კვლევითი ინსტიტუტის ეკონომიკისა და ორგანიზაციის ­განყოფილების გამგე; 1944 წლიდან მუ­შაობ­და სა­ქართველოს მეცნიერებათა აკადემიის ეკონომიკისა და სამართლის ინსტიტუტში; 1950-1981წწ. საზღვარგარეთის ქვეყნებთან მე­გობრობისა და კულტურული ურთიერთობის სა­ქართველოს საზოგადოებაში, იყო იაპონია – სსრკ-ის თბილისის ­განყოფილების პრეზიდენტი; 1954 წლიდან იყო საქართველოს მეცნიერებათა აკადემიის ­კონსულტანტი სოფლის მეურნეობის ეკონომიკის საკითხებში; აქტიურად ­მონაწილეობდა სა­ქართველოს აგრარული პოლიტიკის წარმართვაში; მო­ნა­წი­ლე­ო­ბა მიიღო კოლხეთის დაბლობის სასოფლო-სამეურნეო ათვისების გენერალური გეგმის დამუშავებასა და განხორციელებაში, აგრეთვე თბილისის საგარეუბნო მეურნეობის განვითარების პროექტის შედგენაში; მის შრომებში დამუშავებულია სასოფლო-სამეურნეო საწარმოთა დაგეგმვის, სოფლის მეურნეობის დარაიონების, წარმოების გაადგილებისა და სპეციალიზაციის, მეურნეობის გაძღოლის სისტემებისა და თესლბრუნვების ორგანიზაციის, მიწის ფონდების გამოყენების, მელიორაციის, გარემოს დაცვის, მევე­ნახეობისა და მეღვინეობის ეკონომიკის საკითხები; მას ეკუთვნის პირველი ნა­შრო­მი ქართულ ენაზე მიწის ეკონომიკური შეფასების შესა­ხებ; ავტორია მრა­ვა­ლი სამეცნიერო ნა­შრო­მისა (მ. შ. 15 მონოგრაფია). მიღებული აქვს სა­ხელმწიფო ჯილდოები. აგროეკონომისტი, სოფლის მეურნეობის მეცნიერებათა დოქტორი (1947), პროფესორი (1948).

სადოქტორო დისერტაციის თემა - "საქართველოს მიწის ფონდი და მისი გამოყენება".

წყარო: საქართველო: ენციკლოპედია: ტ. IV. -თბ., 2018. -გვ.177; newspaper.tsu.ge

• 1961 - საქართველოს მეცნიერებათა დამსახურებული მოღვაწე

• საქართველოს სსრ მიწის ფონდი (ავტორი) // წ.2. - თბილისი, თბილ. უნ-ტის გამ-ბა, 1975. - 531გვ.
• მელიორაცია სოფლის მეურნეობაში (ავტორი) // წ.1. - თბილისი, მეცნიერება, 1970. - 230 გვ.
• საქართველოს სსრ მიწის ფონდი (ავტორი). - თბილისი, თბილ. უნ-ტის გამ-ბა, 1961. - 346გვ.