ვსევოლოდ კარჟავინი

დაბადების ადგილი: ქ. მოსკოვი.

დაამთავრა მოსკოვის დ. მენდელეევის სახელობის ქიმიური ტექნოლოგიის ინსტიტუტი 1925 წელს.

მუშაობა დაიწყო გამოყენებითი მინერალოგიის ინსტიტუტში; პარალელურად მოღვაწეობდა მოსკოვის ქიმიური ტექნოლოგიის ინსტიტუტში; 1931-1936წწ. იყო სამეცნიერო-კვლევით ინსტიტუტში "აზო­ტი" განყოფილების გამგე; 1936 წელს გადაა­სახლეს (ბრალდებით კონტრრევოლუ­ცი­ური საქმიანობისთვის); 1942-1943წწ. მუშაობდა ქ. მაგადანში, ქიმიური კვლევების ლაბორატორიაში; 1943-1946წწ. ქ. ნორილსკის მეტა­ლურგიულ კომბინატში; სპეც. ობიექტზე ქ. ობნინსკში; 1947 წლიდან სოხუმის ფიზიკური-ტექნიკის ინსტიტუტში ხელმძღვანელობდა სამეცნიერო-კვლევით ლაბორატორიას; მისი სამეცნიერო კვლევები ეხება თხევადი საწვავის სინთეზის საკითხებს; ნახშირბადის ჟან­გეულებისა და წყალბადისაგან ნახშირწყალბადოვანი ნაერთების კატალიზურ სინთეზს. ტექნიკის მეცნიერებათა დოქტორი (1946), პროფესორი (1949).

წყარო: საქართველო: ენციკლოპედია: ტ. IV. -თბ., 2018.-გვ. 552

• 1974 - საქართველოს მეცნიერებისა და ტექნიკის დამსახურებული მოღვაწე
• 1971 - ღირსების ორდენი
• 1968 - ლენინური პრემია
• 1953 - სტალინური პრემია
  დიფუზური ფილტ­რების ოქსიდირების ტექნოლოგიის დანერგვისათვის
• 1951 - სტალინური პრემია
  მიენიჭა ურანის იზოტოპების ­განცალკევე­ბის ექსპლუატაციაში გაშვების სამუ­შაოებში მონაწილეობისათვის
• 1931 - ლენინის ორდენი