რასიმ ბერიძე

დაბადების ადგილი: სოფელი მახინჯაური, ბათუმის რაიონი.  

მახინჯაურის სკოლის დამთავრებისთანავე მან სწავლა იმ დროს ბათუმში არსებულ საზღვაოსნო ტექნიკუმში განაგრძო (1934-1939), შემდეგ კი ბაქოს საზღვაოსნო ტექნიკუმშიც სწავლობდა, რომელიც  შორეული ნაოსნობის შტურმან-გემთწამყვანის სპეციალობით დაამთავრა 1940 წელს.

1940-1946 წწ. კასპიის სანაოსნოს (კასპტანკერი) გემების: «Юпитер», «Украина», «Марат», «Горняк», «Армения»-სა და «Буденный»-ს კაპიტნის თანაშემწედ ცურავდა, 1946 წელს კი იგი კაპიტანი ხდება და კასპფლოტის ტანკერების: «30 лет ВЛКСМ», «Тельман», «Туркменистан», «Киргизстан», «Джабраил», «Сабунчи»-სა და «Джорат»-ის ეკიპაჟებს მეთაურობდა; კასპიაზე გამობრძმედილი ზღვაოსანი 1967 წელს სამშობლოში ბრუნდება და პროფესიულ საქმიანობას ახლად დაარსებულ საქართველოს საზღვაო სანაოსნოს კაპიტან-დამრიგებელად განაგრძობს ტანკერებზე: «Алексеевка» (1968), «Клайпеда» (1969), «Гори» (1970) და «Анаклия» (1974), 1974 წელს კი იგი სანაოსნოს ერთ-ერთი საუკეთესო ხომალდის «Николоз Бараташвили»-ს კაპიტნობას იბარებს; მომდევნო წლებში რასიმ ბერიძე «Давид Гурамишвили»-ს,  «Победа Октября»-სა და სანაოსნოს სხვა გემების ეკიპაჟებსაც მეთაურობდა, 1986 წელს კი პენსიაზე გავიდა; 1989 წელს კვლავ დაუბრუნდა ზღვისა და ფლოტის სამსახურს სანაოსნოს სამაშველო ცენტრის უფროსი დისპეტჩერის მოვალეობების შემსრულებლად. მას "კაპიტნების კაპიტანს" ეძახდნენ. ქართული ზღვაოსნობის ჭეშმარიტი ბერმუხა, ბერიძეთა საზღვაოსნო "დინასტიის" წარმომადგენელი, მე-20 საუკუნის თვალსაჩინო ქართველი ზღვაოსანი, შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com