ომარ ფირცხალავა

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელის გემთწამყვანობის ფაკულტეტი 1962 წელს.

სასწავლებლის დაამთავრების შემდგომ განაწილებით შავი ზღვის სანაოსნოში მოხვდა, ქალაქ ოდესაში; 1962 წელს ცურვა მატროსად გემ «Чернигов»-ზე დაიწყო, მომდევნო წლებში კი ამავე სანაოსნოს გემებზე: «Суджа», «Маргелан», «Красное Знамя» და «Мариинск» გახდა კაპიტნის მეოთხე, მესამე და მეორე თანაშემწე; 1968 წელს, უკვე გამოცდილი შტურმანი მშობლიურ ბათუმში ბრუნდება და კაპიტნის მეორე თანაშემწედ საქმიანობას საქართველოს საზღვაო სანაოსნოს ტანკერებზე «Акташ»-ზე და «Агамали-Оглы»-ზე განაგრძობს; მოგვიანებით ჯერ ტანკერ «Алексин»-ზე, შემდეგ კი ბალკერ «Нико Николадзе»-ზე სახელოვანი ქართველი კაპიტნების, გიორგი სვანიძისა და რომან ახობაძის უფროსი თანაშემწის მოვალეობებს ასრულებს; 1978 წელს კაპიტანი ხდება და სწორედ ამ უკანასკნელს ცვლის ბალკერ «Нико Николадзе»-ს ხიდურაზე; 1983 -1987 წწ. სწავლობდა ნოვოროსიისკის უმაღლეს საზღვაო-საინჟინრო სასწავლებელში; მომდევნო წლებში კაპიტანი ო. ფირცხალავა სანაოსნოს ბალკერების: «Художник Тоидзе»-სა და «Художник Герасимов»-ის ეკიპაჟებს მეთაურობს, რომლებზეც არანაკლებ სახელოვანი კაპიტნების, რომან ჯიბლაძისა და ბიჭიკო ვარშანიძის შეცვლა მოუწია, შემდეგ კი მადანმზიდ «Художник Габашвили»-ს იბარებს და 1990 წლამდე ამ ხომალდის შტატიან კაპიტნად რჩება; 1991 წლიდან მეთაურობდა ბალკერების: «Levan»-ის, «Sedoy»-სა და «Akaki Tsereteli»-ს ეკიპაჟებს, საბოლოოდ კი ერთ-ერთ ბერძნულ სანაოსნო კომპანიაშიც საქმიანობდა; 2006 წლის შემდეგ ო. ფირცხალავა ზღვაში აღარ წასულა. იგი კაპიტნის ხიდურას დაემშვიდობა, საბოლოოდ დაუბრუნდა ნაპირს და გარდაცვალებამდე საკრუინგო კომპანია "იალქანში" საქმიანობდა. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com