დურსუნ ცინცაძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი შტურმან-გემთწამყვანის სპეციალობით 1968 წელს; ოდესის უმაღლესი საზღვაო- საინჟინრო სასწავლებელი (ОВИМУ) 1983 წელს.

ზღვაში შრომითი საქმიანობა ნავთობსატანკერო ფლოტის ნოვოროსიისკის სამმართველოს თხევადი ტვირთის გადამტან გემებზე დაიწყო; 1969 წელს კი სამშობლოში დაბრუნდა და ცურვა საქართველოს საზღვაო სანაოსნოს გემებზე განაგრძო; იყო III, II, კაპიტნის უფროსი თანაშემწე; 1980 წელს კი ტანკერ - «გენერალი ბაგრატიონი»-ს კაპიტანი გახდა; მომდევნო წლებში შორეული ნაოსნობის კაპიტანი დურსუნ ცინცაძე საქართველოს სანაოსნოს არაერთი გემის ეკიპაჟს მეთაურობდა; 1984 წელს ხორვატიის პორტ სპლიტის გემთსაშენში მან მიიღო და ექსპლუატაციაში გაუშვა ტანკერების ახალი სერიის სათაო ხომალდი -«ИОСИП БРОЗ ТИТО» და ამ ქალაქის საპატიო მოქალაქის წოდებაც მიენიჭა; მომდევნო წლებში მეთაურობდა საქართველოს საზღვაო სანაოსნოს, ერთობლივი და უცხოური სანაოსნო კომპანიების გემებს: «НОДАР ДУМБАДЗЕ», «SHOTA» და «ANDREA»; დამოუკიდებელი საქართველოს ახალი საზღვაო ადმინისტრაციის შექმნის ურთულეს და გარდამავალ  პერიოდში (1997-2004) დურსუნ ცინცაძე მისი ერთ-ერთი პირველი ხელმძღვანელი - თავმჯდომარე გახლდათ; 2004-2005 წწ. იყო ბათუმის სახელმწიფო საზღვაო აკადემიის პრორექტორი სასწავლო-აღზრდელობით დარგში; 2008-2013 წწ. აზერბაიჯანის კასპიის სანაოსნოს უფროსის მრჩეველი; იმავდროულად ეწეოდა პედაგოგიურ საქმიანობას ბათუმის ნავიგაციის სასწავლო უნივერსიტეტში სადაც დღემდე მოღვაწეობს. არაერთი საერთაშორისო საზღვაო ფორუმის, კონფერენციისა და სემინარის მონაწილე; საზღვაო თემატიკაზე მომზადებული  სამეცნიერო-ტექნიკური შრომებისა და წიგნის "გემის მდგრადობა" ავტორი. ასოცირებული პროფესორი, შორეული ნაოსნობის კაპიტანი.   

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com