მერაბ ყურაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1959-1965წწ.მუშაობდა საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში; 1966 წლიდან მუშაობდა საქართველოს პოლიტექნიკური ინსტიტუტის სამშენებლო მექანიკის კათედრაზე (ასისტენტი, დოცენტი); 1983 წლიდან იყო ამავე კათედრის გამგე; მისი ხელმძღვანელობით შემუშავებულია ახალი კომბინირებული ალგორითმები და პროგრამული პაკეტი, რომელიც გამოიყენება ნაგებობის დამუშავებისას, განსაკუთრებით ტრანსფორმირებად კონსტრუქციებში; კერძოდ, კოსმიური ბაზირების ანტენების ოპტიმალური დაგეგმარებისას. ის არის ერთ-ერთი დამფუძნებელი და უცვლელი მონაწილე საკავშირო სკოლა-სემინარისა (1972-1990), რომელიც ეძღვნებოდა დრეკადი სხეულების მექანიკაში სასრული ელემენტების მეთოდის გამოყენების საკითხებს; დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი 1966 წელს; მრავალწლიანი ნაყოფიერი სამეცნიერო-პედაგოგიური მოღვაწეობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები; ინჟინერ-მექანიკოსი, პროფესორი (1996).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.289; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 265-266