ლევან მჟავია

დაბადების ადგილი: სოფელი ლიხაური, ოზურგეთის რაიონი.

დაამთავრა ბათუმის საზღვაოსნო სასწავლებლის გემთწამყვანობის ფაკულტეტი 1975 წელს; ოდესის უმაღლესი საზღვაო-საინჟინრო სასწავლებელი (ОВИМУ) 1989წელს. 

შრომითი საქმიანობა 1976 წელს, საქართველოს საზღვაო სანაოსნოს ტანკერ - «БОРЖОМИ»-ის მატროსად დაიწყო; მომდევნო წლებში კაპიტნის თანაშემწედ ცურავდა სანაოსნოს ტანკერებზე - «КУТАИСИ», «АХАЛЦИХЕ», «МАРШАЛ ГЕЛОВАНИ», «НОДАР ДУМБАДЗЕ», «СУХУМИ» და სხვა; 1991 წლიდან შორეული ნაოსნობის შტურმანი ლევან მჟავია საქმიანობას სხვადასხვა ერთობლივი და უცხოური სანაოსნო კომპანიების გემებზე განაგრძობს: კაპიტნის უფროს თანაშემწედ, შემდეგ კი კაპიტნად  ცურავდა «ADRIATIC TANKERS Co»-ს, «KAPPA-GESCO»-სა და «ABS MARITIME»-ს ტანკერებზე - «STAINLES MAY», «GELOVANI» და «ELISA»; მომდევნო წლებში მეთაურობდა ტანკერების -«NGOL KWANZA»-ს, «NGOL QUEVE»-ს, «SAN NICOLA»-ს, «USA RIVER»-ის, «SAINT MICHEL»-ისა და  «TROY»-ს ეკიპაჟებს. უკანასკნელი 3 გემი გემთმშენებელი ქარხნიდან სწორედ კაპიტანმა მჟავიამ მიიღო და შეიყვანა ექსპლუატაციაში; 2007 წლიდან, უკვე გამოცდილი კაპიტანი საქმიანობას კომპანია «Columbia Shipmanagement» (CSM)-ში აგრძელებს. კაპიტნად ცურავდა კომპანიის ტანკერებზე: «Cape Bacton», «Cape Bilbao», «King Duncan», «King Darius», «Silver Valerie» და სხვა. მოქმედი შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com