ლიზა ტურიაშვილი

დაბადების ადგილი: სოფელი კარდანახი, გურჯაანის რაიონი.

მუშაობდა "სახკინმრეწვის" ხმის ჩამწერ სტუდიაში, საიდანაც კომკავშირმა სასწავლებლად თბილისის აეროკლუბში გაგზავნა. კურსის დასრულების შემდეგ, მეორე მსოფლიო ომის დაწყების დროს იგი მოხალისედ წავიდა ფრონტზე და 141-ე სანირატულ ავიალეგიონში ჩაირიცხა. მან  არაერთი მებრძოლი გადაარჩინა დაღუპვას. ლიზა ტურიაშვილზე, როგორც უშიშარ მფრინავზე იწერებოდა ზღვისპირეთის არმიისა და შენაერთის წითელარმიულ გაზეთებში. ჩრდილო კავკასიის განთავისუფლების შემდეგ იგი ბელორუსიის მეორე ფრონტის მე-4 საჰაერო არმიის 144-ე დივიზიის სანიტარული ავიაციის ლეგიონში ჩარიცხეს. ბელორუსიის განთავისუფლების შემდეგ ლიზა ტურიაშვილი იბრძოდა პოლონეთში, შემდეგ კი გერმანიაში. მიღებული აქვს მრავალი საბრძოლო მედალი, სიგელი და ჯილდო. უფროსი ლეიტენანტი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.500