
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ივანე კვაჭაძე

Date of birth:	15 July, 1898
Date of death:	1963 (at 64 years)
Category:	Theologian, Scientist, Translator, Educator, Philosopher

Biography

დაბადების ადგილი: სოფელი ორაგვე, ლანჩხუთის მუნიციპალიტეტი.

დაამთავრა თბილისის სასულიერო სემინარია. 1918 წელს ჩააბარა თბილისის სახელმწიფო უნივერსიტეტში, სწავლა შეწყვიტა და სახალხო გვარდიის საგანგებო ბატალიონში ჩაირიცხა. მონაწილეობდა იმ დროის ყველა მნიშვნელოვან ბრძოლაში. შავიზღვისპირეთის ფრონტზე ბოლშევიკებს ტყვედ ჩაუვარდა და დახვრეტა მიუსაჯეს, მან გაქცევა მოახერხა და კვლავ სამხედრო სამსახურს დაუბრუნდა. 1921 წელს, საქართველოს გასაბჭოების შემდეგ, მუშაობდა მასწავლებლად ლანჩხუთის საშუალო სკოლაში; 1924 წლიდან ბათუმში ხელმძღვანელობდა მთავარი პოლიტგანათლების სასკოლო განყოფილებას. 1925 წელს, სწავლის გასაგრძელებლად, სტამბოლის გავლით არალეგალურად გაემგზავრა საფრანგეთში. სწავლობდა ჯერ სორბონის უნივერსიტეტში, შემდეგ პარიზის კათოლიკურ უნივერსიტეტში. იქვე, 1933 წელს, მიენიჭა დოქტორის ხარისხი ფილოსოფიურ თეოლოგიაში. 1935 წელს საქართველოში დაბრუნდა და ფრანგული ენისა და ლიტერატურის პედაგოგად დაიწყო მუშაობა თბილისის სახელმწიფო უნივერსიტეტში. გარკვეული პერიოდი განიცდიდა დევნას. 1950-იანი წლებიდან გარდაცვალებამდე იყო თბილისის სახელმწიფო უნივერსიტეტის ფრანგული ენისა და ლიტერატურის კათედრის გამგე. სხვადასხვა წლებში მუშაობდა ი. გოგებაშვილის სახელობის პედაგოგიკის ინსტიტუტში, ა. ს. პუშკინის სახელობის სახელმწიფო პედაგოგიურ ინსტიტუტში. დაამუშავა ფრანგული ენის სწავლების მეთოდიკის საფუძვლები. არის სამეცნიერო ნაშრომების და სახელმძღვანელოების ავტორი. ქართულად თარგმნა ჟან-ჟაკ რუსოს "ემილი ანუ აღზრდის შესახებ", იან კომენსკის "დიდი დიდაქტიკა" (დ. ლორთქიფანიძესთან ერთად), კონსტანტინე უშინსკის რჩეული პედაგოგიური თხზულებები. პროფესორი, პედაგოგიკის მეცნიერებათა დოქტორი (1962).

წყარო: kvirispalitra.ge

Bibliography

ფრანგული ენის სწავლების მეთოდიკის საფუძვლები (Author). - თბილისი, თბილ. უნ-ტის გამ-ბა, 1971. - 343გვ.
ენათა შეპირისპირებითი ანალიზის როლი ინტერფერენციის უარყოფითი გავლენის ნეიტრალიზაციაში (Author). - ცოდნა, 1963. - 27გვ,
ფრანგული ორთოგრაფიის სწავლება ქართულ სკოლაში (Author). - თბილისი, პედაგოგ. მეცნ. ინ-ტის გამ-ბა, 1952. - 143გვ.
დედაენისა და თარგმნის როლი უცხოური ენის შესწავლაში (Author). - თბილისი, სახელგამი, 1948. - 60გვ.