ვარდენ აფხაძე

დაბადების ადგილი: სოფელი წყალტუბო, ქუთაისის მაზრა.
ახალგაზრდობიდან უძღვებოდა საკუთარ მეურნეობას, მისდევდა ვაჭრობას.
იყო ცეკვის მასწავლებელი; 1930-იან წლებში, წყალტუბოში საკუთარ სახლში მოწყობილი ჰქონდა სასტუმრო, რომელსაც აქირავებდა დამსვენებლებზე; 1937 წელს ქალაქის აღმასკომმა მას გამოუცხადა რომ, სახლი "დახურულ ზონაში" ჰქონდა აშენებული და ამიტომ უნდა დაეშალა და სხვაგან გადასულიყო; მოთხოვნის შეუსრულებლობის გამო მას ქუთაისის სასამართლომ 6 თვით იძულებითი სამუშაო მიუსაჯა; 1938 წლის 12 მაისს, წყალტუბოს საარჩევნო ოლქის შენობასთან, სადაც გამოფენილი იყო სსრკ პარტიული ლიდერების (ლენინის, სტალინის, ბერიას და სხვა...) დიდი ფერწერული პორტრეტები, ვარდენ აფხაძემ სახალხოდ, დემონსტრაციულად უცენზუროდ მოიხსენია ისინი; ის 1938 წლის 5 ივნისს დააპატიმრა საქართველოს სსრ შინსახკომის ქუთაისის რაიონული განყოფილების თანამშრომელმა - ჯიოევმა; იგი მოათავსეს ქუთაისის "გამსახლში" (ციხეში); 1938 წლის 10 ოქტომბერს გაასამართლა საქართველოს სსრ უმაღლესი სასამართლოს სპეცკოლეგიის გამსვლელმა სესიამ ქუთაისში; სპეცკოლეგიამ მას 8 წლით პატიმრობა მიუსაჯა "შრომა-გასწორების კოლონიაში", დამატებით 3 წლით ხმის უფლების ჩამორთმევით; ვარდენ აფხაძე გადაასახლეს ციმბირში, სადაც რამდენიმე წლის შემდეგ დაიღუპა ბანაკში. გარდაცვალების კონკრეტული თარიღი უცნობია.

წყარო: საზოგადოებრივი არქივი: archive.ge