თამარ პაპიაშვილი

დაიბადების ადგილი: საინგილო.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი, 1968 წელს კი უცხო ენათა ინსტიტუტის ინგლისური ენის ფაკულტეტი.

წარმოშობით არის ჰერეთიდან. პირველი ლექსი ("შენი ფოთლებით ვსუნთქავ") დაბეჭდა 1951 წელს გაზეთ "გაგრაში". ქართველი მკითხველის დაინტერესება გამოიწვია მისმა ისეთმა პოეტურმა კრებულებმა, როგორიცაა: "ქურმუხმა არაგვს გასძახა", "ბედის ვარსკვლავი", "შენმა მზემ ამაბრიალა". მის კალამს ეკუთვნის საყურადღებო მოთხრობები და პუბლიცისტური სტატიები. იგი წლების განმავლობაში მუშაობდა ზოოვეტერინალურ ინსტიტუტში ბიოქიმიკოსად, თბილისის მე-9 საავადმყოფოს რეანიმაციის განყოფილების ექიმ-ლაბორანტად, ლექციებს კითხულობდა თბილისის მე-3 სამედიცინო ტექნიკუმში. მონაწილეობდა რესპუბლიკურ და საკავშირო ფოტო-გამოფენებში; მუშაობდა სამედიცინო აკადემიის რეანიმაციის განყოფილებაში ექიმ-ლაბორანტად. გამოცემული აქვს ლექსები.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.736; წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.259-260

• საქართველოს მწერალთა კავშირი, წევრი

• შენმა მზემ ამაბრიალა : ლექსები (ავტორი). - თბილისი, რაეო, 2002. - 120გვ.
• ბედის ვარსკვლავი : ლექსები (ავტორი). - ქუთაისი, საბჭ. საქართველო, ქუთაისის ფილიალი, 1983. - 42გვ.
• ქურმუხმა არაგვს გასძახა : ლექსები (ავტორი). - თბილისი, მერანი, 1981. - 39გვ.