ირაკლი გამყრელიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი, არქიტექტურის სპეციალობით 1982 წელს.

1982-1984წწ. მუშაობდა სახელმწიფო საპროექტო ინსტიტუტ "თბილქალაქპროექტში" არქიტექტურული სახელოსნოს არქიტექტორად; 1984-1987წწ. №3 არქიტექტურული სახელოსნოს უფროს არქიტექტორად; 1987-1988წწ. ამავე სახელოსნოს მთავარი არქიტექტორი; 1988 წლიდან მუშაობდა საქართველოს ჯანმრთელობის დაცვის სამინისტროსთან არსებული IV მთავარი სამმართველოს საპროექტო-სახარჯაღრიცხვო ბიუროს არქიტექტორად; 1980-1990წწ. ამავე ბიუროს მთავარ არქიტექტორად; 1989 წელს მუშაობდა ქ. ბოსტონის (აშშ) გროპიუსის ოფისში; მონაწილეობდა "ქ. ბოსტონის სატრანსპორტო ცენტრის" პროექტის დამუშავებაში; 1990-2012წწ. იყო არქიტექტურულ-დიზაინერული სტუდია "არეა"-ს დირექტორი; მისი უშუალო მონაწილეობითა და ხელმძღვანელობით დაპროექტებულ იქნა მრავალი მნიშვნელოვანი საზოგადოებრივი დანიშნულების ობიექტი და საცხოვრებელი სახლი, მათ შორის: საცხოვრებელი კომპლექსი "ჭავჭავაძე 5", ქ. თბილისში (2005), სასტუმროს ტიპის საცხოვრებელი სახლი "მესხეთი" დაბა ბაკურიანში (2008), მრავალფუნქციური კომპლექსი მუხიანის მ/რაიონში (2009) და მრავალფუნქციური საცხოვრებელი აბაშიძის ქუჩაზე ქ. თბილისში (2011), ინდივიდუალური საცხოვრებელი სახლები - მცხეთაში, წავკისში, კოჯორში, კვარიათში და ქ. თბილისის სხვადასხვა რაიონებში (2007-2012), მრავალფუნქციური კომპლექსი ც. დადიანის ქუჩაზე ქ. თბილისში (2013), ასევე "აფხაზეთში დაღუპულთა მემორიალი" გმირთა მოედანზე, ქ. თბილისში და სხვა; იყო მრავალი საერთაშორისო არქიტექტურული კონკურსის წარმატებული ნომინანტი; 1985 წელს მიღებული აქვს I პრემია არქიტექტურულ ბიენალეზე, ქ. სოფიაში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 78-79

• მოთხილამურე არქიტექტორთა კლუბი, წევრი (2008-)
• საქართველოს არქიტექტორთა კავშირი, წევრი (1985-)