დავით გოგიჩაიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი, არქიტექტურის სპეციალობით 1997 წელს.

სტუდენტობის წლებშივე აქტიურად ჩაება პრაქტიკულ საქმიანობაში და თავი გამოიჩინა, როგორც ნიჭიერმა და შრომისმოყვარე ახალგაზრდამ, რამაც განაპირობა მისი მომავალი წარმატებები; არის კომპანია "ჰაუსარტის" დამფუძნებელი და მთავარი არქიტექტორი; აღნიშნულ კომპანიაში მრავალწლიანი პრაქტიკული პროფესიული მოღვაწეობის პერიოდში, მისი ავტორობითა და მონაწილეობით დამუშავებული და რეალიზებულია მრავალი მნიშვნელოვანი ობიექტების პროექტები, მათ შორის: სასწრაფო დახმარების სამსახურის №112-ს შენობა, საცხოვრებელი სახლები დიდ დიღომში, ნუცუბიძის ქუჩაზე და ი. ჭავჭავაძის გამზირზე, სასტუმროები პეკინისა და ყაზბეგის ქუჩების კვეთაზე, ასევე თავისუფლების მოედანზე ქ. თბილისში, მულტიფუნქციური კომპლექსი ძველ თბილისში; სასტუმრო "პარაგრაფი" დაბა შეკვეთილში, მულტიფუნქციური კომპლექსი ქ. ბათუმში, ოპერის თეატრის რეაბილიტაცია და კინოთეატრი "საქართველო" ქ. ქუთაისში, სასტუმრო ქ. ქობულეთში და სხვა; არის მრავალი არქიტექტურული კონკურსის მონაწილე და გამარჯვებული; მისი მონაწილეობით შექმნილი პროექტები არაერთგზის დასახელდა წლის საუკეთესო ნაშრომად.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 99-100

• ბრწყინვალების საპრეზიდენტო ორდენი