ვაჟა დარჩიაშვილი

დაბადების ადგილი: სოფელი ბაკურციხე, გურჯაანის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1977 წელს; 1985 წელს დაამთავრა ქ. მოსკოვის ვ.ა. კუჩერენკოს სახელობის სამშენებლო კონსტრუქციების ცენტრალური სამეცნიერო-კვლევითი ინსტიტუტის ასპირანტურა.

1977-1981წწ. მუშაობდა სსრკ მშენებლობისსამინისტროს დაქვემდებარებაში არსებულ სპეციალიზებულ საკონსტრუქციო-ტექნოლოგიურ ბიური "მშენინდუსტრიაში" ინჟინრად; 1981-2012წწ. მუშაობდა თბილისის ზონალურ სამეცნიერო-კვლევით და ექსპერიმენტული პროექტების ინსტიტუტში ("თბილზნიეპი") ინჟინრად, მეცნიერ-თანამშრომლად, უფროს მეცნიერ თანამშრომლად, ნაგებობათა სეისმომედეგობის ლაბორატორიის უფროსად; 2012-2013წწ. იყო "რკინაბეტონის განძელების ქარხნის" ხარისხის კონტროლის სამსახურის უფროსი; 2013 წლიდან (შეთავსებით) იყო საქართველოს თავდაცვის სამინისტროს ნაგებობათა მონიტორინგის მთავარი სპეციალისტი; 2015 წლიდან საქართველოს აგრარული უნივერსიტეტის საინჟინრო მიმართულების ასოცირებული პროფესორია; კითხულობს ლექციებს კურსს "შენობა-ნაგებობათა გამოცდა და მონიტორინგი"; არის ლ. სამხარაულის სახელობის საექსპერტო ბიუროს მიწვეული ექსპერტი; მისი მონაწილეობით არის განხორციელებული საცხოვრებელი სახლების ნატურალი ფრაგმენტებისა და მათი მოდელების ნატურალ-ვიბრაციული გამოცდები: ქ. მოსკოვში (1982-1985), ქ. ირკუტსკში (1985), ფეოდოსიაში (1983), ქ. სოჭში (1982-1983), ლენინაკანში (1991), ქ. თბილისში, ქ. ჭიათურაში, ქ. ფოთში და სხვა; აქტიურად მონაწილეობდა სპიტაკის (1988), ქართლის (1992) და რაჭის (1992) მიწისძვრების შედეგების სალიკვიდაციო საკვლევ-საპროექტო სამუშაოებში, იყო სამთავრობო კომისიის წევრი; ავტორია 18 გამოქვეყნებული ნაშრომისა და საერთაშორისო კონფერენციებზე გამოსვლების; აქვს ერთი გამოგონება და სეისმომედეგი მშენებლობის საერთაშორისო ასოციაციის წევრია. დაიცვა დისერტაცია და მიენიჭა აკადემიური დოქტორის ხარისხი 1989 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 111-112