კახა კახეთელიძე

დაბადების ადგილი: ქ. ამბროლაური.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი, ელექტროქსელებისა და სისტემების სპეციალობით 1974 წელს.

1974-1977წწ. მუშაობდა საკავშირო სახელმწიფო ინსტიტუტ "მძიმემრეწველელექტროპროექტის" თბილისის ფილიალში უფროს ინჟინრად; 1977 წელს გადაყვანილ იქნა სამშენებლო-სამონტაჟო ტრესტ "კავკასელექტროქსელმშენი"-ს №8 სპეციალიზებულ მოძრავ მექანიზებულ კოლონაში, ამჟამად შპს "კავკასიონი", რომელიც აწარმოებდა მაღალი ძაბვის ელექტროგადამცემი ხაზებისა და ქვესადგურების მშენებლობას, სადაც მუშაობდა 1994 წლამდე; იყო აღნიშნული ორგანიზაციის უფროსი დისპეტჩერი, უფროსი სამუშაოთა მწარმოებელი, დირექტორის მოადგილე და გენერალური დირექტორის მოადგილე; არის შპს "კავკასიონის" დამფუძნებელი; მისი უშუალო მონაწილეობითა და ხელმძღვანელობით შპს "კავკასიონში" მუშაობის პერიოდში აშენდა 110კვ., 220კვ., 330კვ., 500კვ. და 750კვ. სიმძლავრის ელექტროგადამცემი ხაზები, როგორც საქართველოს, ისე აზერბაიჯანის, სომხეთის, უკრაინის, ბელორუსისა და რუსეთის ფედერაციის ტერიტორიებზე; ასევე მონაწილეობა აქვს მიღებული 500კვ. ელექტროგადამცემი ხაზის "კავკასიონი"-ს მშენებლობაში; 1991-2006წწ. მისი აღდგენითი სამუშაოების შესრულებაში, ჩრდილოეთ კავკასიის ტერიტორიაზე; ამ მხვრივ დიდი წვლილი აქვს შეტანილი რუსეთიდან საქართველოს ელექტრომომარაგების სტაბილურობის უზრუნველყოფაში; 1994 წლიდან მუშაობდა რუსეთის ფედერაციის შპს "ენერგომმშენი"-ს მთავარ ინჟინრად, შპს "კუბანელექტროქსელმშენი"-ს დირექტორაედ, შპს "როსელექტროქსელმშენი"-ს დირექტორად; მრავალწლიანი წარმატებული შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 144-145