მერაბ კეკელიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1963 წელს.

1963-1981წწ. მუშაობდა საქართველოს მეცნიერებათა აკადემიის კ. ზავრიევის სახელობის სამშენებლო-მექანიკისა და სეისმომედეგობის სამეცნიერო-კვლევით ინსტიტუტში უმცროს მეცნიერ-თანამშრომლად, უფროს ინჟინრად; 1966-1969წწ. სწავლობდა ამავე ინსტიტუტის ასპირანტურაში; 1981-1985წწ. იყო ა. ჯანელიძის სახელობის გეოლოგიის სამეცნიერო-კვლევითი ინსტიტუტის მთავარი ინჟინერი; 1986 წელს დაინიშნა ქ. თბილისის სპორტკომბინატ "დინამოს" სამშენებლო სამმართველოს მთავარ ინჟინრად; 1989-1994წწ. დაუსწრებლად სწავლობდა საქართველოს სახელმწიფო ფიზიკური კულტურის ინსტიტუტში, რომელიც დაამთავრა ფიზიკური კულტურის მწვრთნელის სპეციალობით; 1998 წელს გაიარა საქართველოს ფიზიკური აღზრდისა და სპორტის აკადემიის კვალიფიკაციის ამაღლების ფაკულტეტის სრული კურსი სპორტული სკოლის დირექტორის პროფილით; 1998-2006წწ. იყო ქ. თბილისის სპორტული სკოლის დირექტორი; 2006-2007წწ. მიხეილ კეკელიძის სახელობის ოლიმპიური მომზადების სპორტული ცენტრის დირექტორი; 2007-2010წწ. იყო ზემოთაღნიშნული ცენტრის ქ. თბილისის მუნიციპალიტეტის მერიის სპორტის სახეობათა ფილიალის დირექტორი; 2010 წლიდან მიხეილ კეკელიძის სახელობის კალათბურთის სასახლის დირექტორია.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 147

• ღირსების ორდენი
  მრავალწლიანი შრომითი საქმიანობისა და დამსახურებისათვის