ემილ კრუპნიკი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი, სამთო მოპოვებითი საწარმოების მშენებლობის სპეციალობით და მიენიჭა მშენებელი ინჟინრის კვალიფიკაცია 1951 წელს.

უმაღლესი სასწავლებლის დამთავრების შემდეგ, სახელმწიფო კომისიის განაწილებით მუშაობდა საქართველოს ნახშირმოპოვებითი საწარმოების გაერთიანება "საქნახშირი"-ს ქ. ტყვარჩელის სამთო-მოპოვებით საწარმოო ტრესტ "ტყვარჩელნახშირი"-ს სისტემაში ინჟინრად, სამუშაოთა მწარმოებლად, უბნისუფროსად, "ტყვარჩელშახტმშენი"-ს სამშენებლო სამმართველოს მთავარ ინჟინრად, შემდეგ გადაიყვანეს საქართველოს მშენებლობის სამინისტროს №6 სამშენებლო ტრესტში (ქ. სოხუმში), სადაც მუშაობდა №1 სამშენებლო სამმართველოს მთავარ ინჟინრად; 1982-1983წწ. იყო ქ. სოხუმის გემთშემკეთებელი ქარხნის დირექტორის მოადგილე; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 165