როლანდ პაიჭაძე

დაბადების ადგილი: სოფელი ჩაისუბანი, ჩოხატაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1974 წელს.

1974-2001წწ. მუშაობდა საქართველოს სასოფლო მშენებლობის სამინისტროს სისტემაში, ჩოხარტაურის რაიონში; 2002 წლიდან სამუშაოდ გადავიდა ქ. თბილისში, სადაც მუშაობდა სამშენებლო კომპანია "თბილისში"; მისი მონაწილეობითა და ხელმძღვანელობით აშენებულ იქნა არაერთი საასოფლო-სამეურნეო, სამრეწველო და კულტურულ-საგანმანათლებლო დანიშნულების ობიექტი, მათ შორის: ჩაის ფაბრიკები, კულტურის სახლები და საბავშვო ბაღები ჩოხატაურის რაიონში, ასევე სანატორიუმი კურორტ ნაბეღლავში; მუშაობდა "ბაქო-ჯეიჰანის" ნავთობსადენის მშენებლობაზე, ბ. პაიჭაძის სახელობის "დინამოს" სტადიონის (ამჟამად "დინამო არენა") და ქ. სიღნაღის ცენტრის რეკონსტრუქციაზე; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები, ყოვლადწმინდა "სამების" საკათედრო ტაძრის მშენებლობაში აქტიური მონაწილეობისათვის საქართველოს პატრიარქის "მადლობის სიგელი".

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 216