მიხეილ ზუბალაშვილი

მიხეილ (ნათლობის სახელი მიქელი, ლათინი მოძღვრების პატივსაცემად დარქმეული) ზუბალაშვილმა ოჯახში შეითვისა შრომისმოყვარეობა, პატიოსანი ცხოვრება-საქმიანობის ჩვევები, მიიღო თავისი დროისათვის საჭირო განათლება და ძმებთან ერთად ჩაება აღებ-მიცემობაში; იგი ეწეოდა წარმატებულ ვაჭრობას რუსეთსა და ევროპის სხვა ქვეყნებში (ქართული საბჭოთა ენციკლოპედია). მიხეილმა ცოლად შეირთო ცნობილი თავადის, კათოლიკე თუმანიშვილის ასული ნატალია. მათ ოჯახშიც, საგვარეულო ტრადიციისამებრ, განსაკუთრებულ ყურადღებას აქცევდნენ შვილების სწავლა-განათლებას, რადგან მიაჩნდათ, რომ მხოლოდ გონიერი, ცოდნით აღჭურვილი ადამიანი დაიმკვიდრებდა საზოგადოებაში ღირსეულ ადგილს და ქვეყანასაც მოუტანდა სარგებლობას. მიხეილს ჰყავდა ორი ვაჟი: ზაქარია და თომა (სხვა ცნობით: ზაქარია, ალექსანდრე და თომა). მიხეილ ივანეს ძე ზუბალაშვილი.

წყარო: ზუბალაშვილები ეროვნული მრეწველობისა და მეცენატობის სათავეებთან / ჟუჟუნა ფეიქრიშვილი.-თბ., 2011.-გვ.45 (dspace.nplg.gov.ge)