ლერი ქვრივიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1979 წელს.

1979-1982წწ. მუშაობდა საქართველოს მინისტრთა საბჭოსთან არსებული საბაგირო ტრანსპორტის განვითარებისა და სამონტაჟო გაერთიანება "საქბაგირგზის" საძიებო განყოფილების ინჟინრად; 1982-1983წწ. მუშაობდა საქართველოს მშენებლობის სამინისტროს საწარმოო ტრესტ "მშენინდუსტრიის" სამშენებლო-სარემონტო სამმართველოს სამუშაოთა მწარმოებლად, უფროს სამუშაოთა მწარმოებლად (უბნის უფროსად); 1989-1991წწ. იყო საქართველოს მშენებლობის სამინისტროს ტრესტ "მშენტრანსის" სამშენებლო-სარემონტო სამმართველოს უფროსი სამუშაოთა მწარმოებელი (უბნის უფროსი); 1991-1994წწ. მუშაობდა კოოპერატივ "ლაშხეთი"-ს დირექტორად; 1994-2005წწ. მუშაობდა შპს "ლიზინგში" ინჟინრად, უფროს ინჟინრად; 2005 წლიდან მუშაობს მის მიერ დაფუძნებული სამშენებლო ფირმა (შპს) "აზულა"-ს დირექტორის თანამდებობაზე; მისი უშუალო მონაწილეობითა და ხელმძღვანელობით აშენებულ იქნა არაერთი სამრეწველო, საზოგადოებრივი და ინფრასტრუქტურული დანიშნულების ობიექტი. მათ შორის: ხე-ტყის გადამამუშავებელი კომბინატის საწარმოო და ადმინისტრაციული შენობები, ქვის გადამამუშავებელი ქარხნის კომპლექსი (ვაშლიჯვარში), დ. კოჯრის დასასვენებელი პარკის კომპლექსი, წყალსადენის ქსელები თავისი ხელოვნური ნაგებობებით სოფლებში - გამარჯვება, გაჩიანი, ვაზიანი, თელეთი და სააკაძე, ასევე წმინდა გიორგის სახელობის ტაძრების რესტავრაცია სოფლებში აზულში და უდოში; მრავალწლიანი პროფესიული შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 251