იური ჩოდრიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1962 წელს.

1962-1963წწ. მუშაობდა სახელმწიფო საპროექტო ინსტიტუტ "საქსახპროექტში" ინჟინერ კონსტრუქტორის თანამდებობაზე; 1964-1971წწ. საქართველოს მშენებლობის სამინისტროს №1 სამშენებლო ტრესტ "ამიერკავკასმეტალურგმშენი"-ს სისტემაში სამშენებლო სამმართველო "სინთეტმშენში" მშენებელ ოსტატად, სამუშაოთა მწარმოებლად; 1968 წლიდან იყო ამავე ტრესტის სამშენებლო სამმართველო "ტრანსსპეცმშენი"-ს უფროსი სამუშაოთა მწარმოებელი (უბნის უფროსი); 1972-1977წწ. მუშაობდა საქართველოს ზოოვეტერინარული ინსტიტუტის მშენებლობის დირექციის მთავარ ინჟინრად; 1978-1981წწ. იყო საქართველოს მშენებლობის სამინისტროს №2 სამშენებლო ტრესტის მოპირკეთების სამშენებლო სამმართველოს უფროსი სამუშაოთა მწარმოებელი; 1981 წელს გადაყვანილ იქნა საქართველოს მშენებლობის სამინისტროს №10 სამშენებლო ტრესტ "მაღლივმშენი"-ს №3 სამშენებლო სამმართველოს უფროსად, რომელიც ახორციელებდა მაღლივი, 16-18- სართულიანი ექსპერიმენტული საცხოვრებელი სახლების მშენებლობას; 1985-1995წწ. მუშაობდა საქართველოს მშენებლობის სამინისტროს №9 სამშენებლო ტრესტის №3 სამშენებლო სამმართველოს უფროსად; 1996 წელს დაინიშნა ახალშექმნილი ორგანიზაციის, შპს "კრწანისი-96"-ის დირექტორად; მისი მონაწილეობითა და ხელმძღვანელობით განხორციელდა ქ. რუსთავის სინთეტიკური ბოჭკოსა და აზოტოვანი სასუქების ქარხნების, საქართველოს ზოოვეტერინარული ინსტიტუტის სასწავლო და კვლევითი კორპუსების, ქ. თბილისის საწარმოო-კვლევითი გაერთიანება "ბაქტერიოფაგის" ახალი კორპუსის, კასპის ცემენტის ქარხნის მე-5 ხაზის მშენებლობა და სხვა; აგრეთვე ქ. თბილისში ჩარჩოიანი და ჩარჩომიბმული ექსპერიმენტული, მაღლივი (16-18- სართულიანი) ნაგებობების მშენებლობა და ქ. სიღნაღის ძველი ისტორიული ნაწილის სარეაბილიტაციო სამუშაოები; პროფესიულ შრომით საქმიანობასთან ერთად აღსანიშნავია მისი სპორტული მიღწევები - არის საბჭოთა კავშირის I ახალგაზრდული სპორტული ოლიმპიადის მონაწილე, არაერთგზის საკავშირო და საქართველოს შეჯიბრებების გამარჯვებული; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 288-289

• სპორტის ოსტატი, ცურვა