გიორგი ჩოჩელი

დაბადების ადგილი: ქ. თბილისი.

დაამთავრა ქ. თბილისის მანქანათმშენებლობის ტექნიკუმი 1968 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1976 წელს.

1976-1987წწ. მუშაობდა საქართველოს მშენებლობის სამინისტროს № 3 სამშენებლო ტრესტ "თბილმრეწვმშენი"-ს სისტემაში მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად (უბნის უფროსად), 1987-2010წწ. ამავე ტრესტის (ს.ს. "თბილმრეწვმშენი №3") სამრეწველო საწარმოთა კომბინატის მთავარ ინჟინრად; მისი მონაწილეობითა და ხელმძღვანელობით ტრიკოტაჟის ფაბრიკა (გლდანში), აბრეშუმის ფაბრიკა (სანზონაში), ქარხანა "ცენტროლიტის" რეკონსტრუქცია და სპორტული ინვენტარის ფაბრიკა; აგრეთვე ოპტიკურ-ბოჭკოვანი კავშირგაბმულობის კომპანია "მაგთი"-ს სტუდია დ. აღმაშენებლის გამზირზე და თანამედროვე სახვითი ხელოვნების მუზეუმის კომპლექსი შ. რუსთაველის გამზირზე ქ. თბილისში და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 290