თინათინ ცისკარიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურული ფაკულტეტი არქიტექტურის სპეციალობით 1975 წელს.

1975-2002წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტ"-ში, №6 არქიტექტურული სახელოსნოს არქიტექტორად, უფროს არქიტექტორად, ჯგუფის ხელმძღვანელად, პროექტის მთავარ არქიტექტორად; 1983 წელს გაიარა კვალიფიკაციის ამაღლების კურსები ქ. მოსკოვის არქიტექტურის ინსტიტუტში; 2002-2004წწ. იყო საქართველოს ძეგლთა დაცვის მთავარი სამმართველოს უფროსი სპეციალისტი; 2004-2007წწ. საქართველოს კულტურის, ძეგლთა დაცვისა და სპორტის სამინისტროს ძეგლთა დაცვის დეპარტამენტის უფროსი სპეციალისტი; მისი მონაწილეობით დამუშავებულ იქნა არაერთი საცხოვრებელი სახლისა და საზოგადოებრივი დანიშნულების ობიექტის მშენებლობის პროექტი, მათ შორის: საცხოვრებელი სახლი პოლიკლინიკით და საერთო საცხოვრებელი სატყეო ტექნიკუმის სტუდენტებისათვის ქ. ბორჯომში, პანსიონატი 300 ადგილზე ქ. გუდაუთაში, საცხოვრებელი კვარტალი მეფრინველეობის ფაბრიკისათვის ქ. კასპში, საცხოვრებელი სახლები ქ. თბილისში და ქ. მცხეთაში; ავტორთა ჯგუფთან ერთად მონაწილეობდა კონკურსში "თავისუფლების მოედნის მიმდებარე ტერიტორიის დაგეგმარება" (ქ. თბილისში) - პროექტს მიენიჭა პირველი ადგილი (1994).

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 293-294

• საქართველოს არქიტექტორთა კავშირი, წევრი (1980-)