ნუგზარ ძნელაძე

დაბადების ადგილი: სოფელი ჭარნალი, ხელვაჩაურის რაიონი.

დაამთავრა ქ. ბათუმის ნ. კანდელაკის სახელობის სამხატვრო სასწავლებელი 1985 წელს; ქ. თბილისის სახელმწიფო სამხატვრო აკადემიის არქიტექტურული ფაკულტეტის სრული კურსი და მიენიჭა მხატვარ-არქიტექტორის კვალიფიკაცია 1993 წელს.

1994-1997წწ. მუშაობდა ხელვაჩაურის რაიონული საბჭოს აღმასკომის არქიტექტურისა და მშენებლობის საქმეთა განყოფილების მთავარ სპეციალისტად; 1997-2005წწ. იყო ხელვაჩაურის რაისაბჭოს აღმასკომის არქიტექტურისა და მშენებლობის საქმეთა განყოფილების უფროსი, რაიონის მთავარი არქიტექტორი; 2005-2011წწ. მუშაობდა ხელვაჩაურის მუნიციპალიტეტის გამგეობის მშენებლობისა და სივრცითი მოწყობის სამსახურის უფროსად; 2011 წლიდან მუშაობს აჭარის ავტონომიური რესპუბლიკის სამინისტროს სივრცითი მოწყობისა და ტექნიკური ზედამხედველობის დეპარტამენტის უფროსად; 2010 წელს მონაწილეობდა სასწავლო ტრეინინგში ნიდერლანდების სამეფოში თემაზე "სივრცითი მოწყობის საკითხები"; 2019 წელს გაიარა საქართველოს ფინანსთა სამინისტროს აკადემიის მიერ ორგანიზებული ტრეინინგი და მიენიჭა "დარგის ტრენერი"-ს კვალიფიკაცია; 2019 წელს გაიარა UNDP-ს მიერ ორგანიზებული ტრეინინგი ჩეხეთსა და ავსტრიაში თემაზე: "დაცული ლანდშაფტის მართვა" და მიიღო მონაწილეობა მსოფლიო ბანკის მიერ ორგანიზებულ ტრეინინგში თემაზე "ვაშენოთ ბუნებასთან ერთად"; მონაწილეობა აქვს მიღებული არაერთო ქალაქმშენებლობითი დოკუმენტის შემუშავებაში; მის მიერ არის დამუშავებული ხელვაჩაურის მუნიციპალიტეტის დასახლების განვითარების გეგმა-კონცეფციები; მონაწილეობდა აჭარის სივრცითი მოწყობის სქემისა და აჭარის მუნიციპალიტეტების სივრცით ტერიტორიული დაგეგმვის დოკუმენტების შემუშავებაში, ქ. ქობულეთის მიწათ სარგებლობის გენერალური გეგმისა და ქობულეთის მუნიციპალიტეტის "ჩაქვი-ციხისძირის" ტერიტორიის განაშენიანების რეგულირების გეგმის შემუშავებაში; დიდი წვლილი აქვს შეტანილი აჭარის რეგიონში საინჟინრო-კომუნალური ქსელების განვითარების წინადადების შემუშავებისა და განხორციელების მართვის საქმეში; არის არაერთი საცხოვრებელი სახლისა და საზოგადოებრივი დანიშნულების ობიექტის არქიტექტურული პროექტის ავტორი; მრავალწლიანი ნაყოფიერი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 302