როინ ჭყოიძე

დაბადების ადგილი: დ. ხარაგაული.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1966წწ. მუშაობდა სსრკ ენერგეტიკისა და ელექტროფიკაციის სამინისტროს სახელმწიფო სახელმწიფო საპროექტო ინსტიტუტ "სოიუზჰიდროპროექტის" თბილისის ფილიალის სპეცპროექტების განყოფილების უფროს ინჟინრად; 1966-1975წწ. მუშაობდა სახელმწიფო საპროექტო ინსტიტუტ "საქგიპროშახტი"-ს მთავარ სპეციალისტად და პარალელურად, შეთავსებით, ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში; 1975-1983წწ. იყო სახელმწიფო საპროექტო ინსტიტუტ "საქკომუნმშენპროექტის" მთავარი ინჟინრის მოადგილე; 1983-1992წწ. მუშაობდა საქართველოს მინისტრთა საბჭოსთან არსებული სამეცნიერო-საწარმოო გაერთიანება "საქნაპირდაცვის" მთავარ ინჟინრად პროექტის დარგში; ამავე პერიოდში, შეთავსებით, ეწეოდა პედაგოგიურ მოღვაწეობას ქ. თბილისის ივ. ჯავახიშვილის სახელობის სახელმწიფო უნივერსიტეტის ოკეანალოგიის კათედრაზე; 1992-1999წწ. იყო საქართველოს სახელმწიფო საპროექტო ინსტიტუტ "საქსახკომუნპროექტი"-ს მთავარი ინჟინერი; 1999 წლიდან არის სპს "ეკოპროექტის" დამფუძნებელი და მთავარი ინჟინერი; მისი უშუალო მონაწილეობითა და ხელმძღვანელობით დამუშავებულ იქნა მრავალი მნიშვნელოვანი სამრეწველო, ნაპირდაცვითი და კომუნალური დანიშნულების ობიექტების მშენებლობის პროექტები. მათ შორის: ქ. თბილისის წყალსადენის წყალმიმღები ნაგებობებისა და სატუმბო სადგურების რეაბილიტაციის, "თბილისი-რუსთავის" გამწმენდი ნაგებობებისა კომპლექსის, ქ. თბილისის სანიაღვრე კანალიზაციის ქსელების, ქ. თბილისის კანალიზაციის კოლექტორზე მდ. მტკვრის გადამკვეთი სამი დიუკერის მოწყობის, საქართველოს 44 დასახლებული პუნქტებისა და ქალაქების წყალმომარაგება-კანალიზაციის სისტემების, ასევე ყარაჯალა, სასირეთის, მუღანლოსა და ხანჩალის სარწყავი სისტემების რეაბილიტაციის, საქართველოს სამთო-გამამდიდრებელი კომბინატების (ტყვარჩელის, ტყიბულის, ჭიათურისა და მადნეულის) წყალმომარაგებისა და ხანძარსაწინააღმდეგო სისტემების და სხვა აგრეთვე არის მთავარი ინჟინერი შემდეგი გენერალური განვითარების გეგმების პროექტების: საქართველოს დასახლებული პუნქტებისა და ქალაქების წყალმომარაგებისა და კანალიზაციის, საქართველოს შავი ზღვის ნაპირების დაცვის, საქართველოს მდინარეების ნაპირების დაცვის; თანაავტორია საქართველოს შავი ზღვის სანაპირო ზოლის ახალი მეთოდით დაცვის ღონისძიებების შემუშავება-დანერგვის; აქტიურად მონაწილეობდა "ბაქო-ჯეიჰანის" გაზსადენისა და "ბაქო-სუფსის" ნავთობსადენის პროექტების ექსპერტიზაში; ასევე მონაწილეობდა მშენებლობის საკითხებთან დაკავშირებული საკანონმდებლო დოკუმენტაციის - სამშენებლო ნორმებისა და წესების კრებულის დამუშავებაში; არის 20-მდე ნაშრომის ავტორი; მრავალწლიანი სამეცნიერო-შრომითი საქმიანობისათვის მიღებული აქვს საუწყებო ჯილდოები და საპატიო სიგელები, მათ შორის "წლის ინჟინრის წოდება".

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 317-318

• საქართველოს მშენებლობის ექსპერტთა ასოციაცია, წევრი

• ლენინის ორდენი
• საქართველოს დამსახურებული ინჟინერი