თენგიზ ჯანჯღავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტის საღამოს დასწრებული განყოფილება სამრეწველო და სამოქალაქო მშენებლობის სპეციალობით 1972 წელს.

1967-1972წწ. მუშაობდა სსრკ ენერგეტიკისა და ელექტროფიკაციის სამინისტროს საპროექტო ინსტიტუტ "სოიუზჰიდროპროექტის" თბილისის ფილიალში ტექნიკოსად; 1972 წლიდან ამავე ინსტიტუტის "ენგურჰესის" პროექტირების განყოფილებაში ინჟინრად; 1973-1975წწ. მუშაობდა ქ. თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში ("თბილზნიეპი") ინდუსტრიული კონსტრუქციების განყოფილების ინჟინრად; 1975-1991წწ. ამავე ინსტიტუტის სამეცნიერო განყოფილების კარკასული შენობების ლაბორატორიაში ჯერ უმცროს მეცნიერ-თანამშრომლად, შემდეგ კი უფროს მეცნიერ-თანამშრომლად; 1991-2006წწ. იყო თბილისის ზონალური სამეცნიერო-კვლევითი, ტიპური და ექსპერიმენტული პროექტირების ინსტიტუტის სამეცნიერო განყოფილების კარკასული შენობების ლაბორატორიის ხელმძღვანელი; 2006 წლიდან ინსტიტუტის რეორგანიზაციის შემდეგ შპს "თბილზნიეპის" იმავე განყოფილების მეცნიერ -თანამშრომელი 2010 წლამდე; 1991 წელს დაიცვა საკანდიდატო დისერტაცია სპეციალობით "სამშენებლო კონსტრუქციები" და მიენიჭა ტექნიკურ მეცნიერებათა კანდიდატის ხარისხი; 2010 წლიდან ეწეოდა კერძო სამეწარმეო საქმიანობას სხვადასხვა საპროექტო ორგანიზაციებთან თანამშრომლობის სახით; 2011 წლიდან არის საპროექტო კომპანია "Georgian Hidro Power"-ის საკონსტრუქტორო განყოფილების უფროსი; მონაწილეობდა "ენგურჰესის" მაღლივი თაღოვანი კაშხლის პროექტის დამუშავებაში; აგრეთვე მცირე ჰიდროელექტროსადგურების "ბახვიჰესი-3" და "ალაზანჰესი-2" კომპლექსში შემავალი შენობა-ნაგებობის პროექტების შედგენაში; უშუალოდ მონაწილეობდა მაღლივი (16-18 სართულიანი) საცხოვრებელი და საზოგადოებრივი დანიშნულების შენობების სეისმომედეგი, უნიფიცირებული, ანაკრები რკინაბეტონის კარკასული ნაკეთობების - "სერია იის-04"- ის დამუშავება-სრულყოფაში, აგრეთვე ახალი იუგოსლავიური მეთოდით, მშენებლობის პირობებში არმატურის დაძაბვით მრავალსართულიანი კარკასული შენობების პროგრესული კონსტრუქციული სისტემის - "სერია 1.120.1-C 89" კვლევაში, დამუშავებასა და დანერგვაში; ავტორია 17 გამოქვეყნებული მეცნიერულ-ტექნიკური ნაშრომის, მათ შორის 9 გამოგონებისა (5 სსრკ საავტორო მოწმობით, 4 საქართველოს პატენტით); 2010-2015წწ. მის მიერ დამუშავებული გამოგონებები "კოშკური ტიპის შეკიდულსართულიანი შენობა და მისი აგების ხერხი" (თანაავტორებთან ერთად) და "სიხისტის გულიანი მრავალსართულიანი შენობა" ქმნიან პერსპექტიულ მიმართულებას მაღლივი (35-50 სართულიანი) სახლების მშენებლობაში; გარდა ასეთი შენობების აგების პრინციპულად ახალი ტექნოლოგიის შეთავაზებისა, გამოგონებებით წარმოდგენილი ორიგინალური კონსტრუქციული გადაწყვეტილებები მაქსიმალურად უზრუნვეკლყოფენ მაღლივი შენობების სეისმომედეგობასა და უსაფრთხოებას.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 336-337