ნიცა აბაშიძე

დაბადების ადგილი: სოფელი ზედა საქარა, ზესტაფონის რაიონი. 

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1938 წელს.

1938-1941წწ. იყო დაბა ავჭალის საექიმო უბნის გამგე; 1941-1949წწ. ხელმძღვანელობდა თბილისის დერმატოლოგ-ვენეროლოგიურ დისპანსერთან გაერთიანებაში მყოფ ცენტრალურ დიაგნოსტიკურ ლაბორტორიას; 1969-1980წწ. მუშაობდა ნიკოლოზ ყიფშიძის სახელობის ცენტრალური რესპუბლიკური კლინიკური საავადმყოფოს ცენტრალური ლაბორატორიის გამგედ და მთავარი ექიმის მოადგილედ ლაბორატორიული სამსახურის დარგში; 1969 წლიდან იყო საქართველოს ჯანმრთელობის დაცვის სამინისტროს მთავარი ლაბორანტი და ექიმ-ლაბორანტთა სამეცნიერო საზოგადოების გამგეობის თავმჯდომარის მოადგილე; მისი ინიციატივით მთელ საქართველოში გაიხსნა ცენტრალური კლინიკური ლაბორატორიები; მის მიერ შესრულებული მრავალ სამეცნიერო ნაშრომთა შორის არის ერთი მონოგრაფია "პათოგენური დერმატომიკოზები" (თანაავტორებთან ერთად); ასწავლიდა სამედიცინო ტექნიკუმში, ექიმთა დახელოვნების ინსტიტუტში. მან უდიდესი როლი შეასრულა ქართული ლაბორატორიული მედიცინის განვითარებაში. ლაბორატორიულ საქმის ცნობილი ორგანიზატორი საქართველოში.

წყარო: ნიცა აბაშიძე - ქართული ლაბორატორიის ამაგდარი / ხუტა პაჭკორია, ლალი ახობაძე,სვეტლანა იაშვილი ; ესაუბრა მარი აშუღაშვილი // ავერსი.-თბილისი, 2018.-N 7 (157).-გვ.70-71; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.660-661

• ექიმ-ლაბორანტთა საკავშირო საბჭო, წევრი (1967-)

• 1961 - საქართველოს დამსახურებული ექიმი