დემურ კოხრეიძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "ელექტრული სადგურები, ქსელები და სისტემები" 1963 წელს.

მუშაობა დაიწყო ტყვარჩელსრესში მორიგე ინჟინრად; 1966-1969წწ. - იყო საქართველოს პოლიტექნიკური ინსტიტუტის ზოგადი და თეორიული ელექტროტექნიკის კათედრის ასისტენტი. აქტიურდ მონაწილეობს საქართველოს ენერგოსისტემის 110 და 220კვ. ქსელის ელექტრული რეჟიმების ოპტიმიზაციის კვლევით სამუშაოებში. 1972 წელს დაიცვა დისერტაცია ტექნიკურ მეცნიერებათა კანდიდატის სამეცნიერო ხარისხის მოსაპოვებლად. მის მიერ მიღებული მეცნიერული შედეგები გამოყენებულ იქნა ტყვარჩელსრესში მტვერსაკვების ამძრავის შესაქმნელად. 1972 წლიდან მუშაობდა ელექტრონულ-იონური ტექნოლოგიის სამეცნიერო-კვლევით ინსტიტუტში უფროს მეცნიერ-თანამშრომლად, ლაბორატორიის გამგედ, განყოფილების გამგედ. 1991 წლიდან იყო მაღალი ძაბვის კვების წყაროების ფილიალის უფროსი. მის მიერ შექმნილი მაღალი ძაბვის ნახევარგამტარული გარდამქმნელები გამოშვებული იქნა სერიულად საქართველოს და მის ფარგლებს გარეთ, დანერგილია ენერგეტიკულ და ელექტროტრანსპორტის ობიექტებზე. საქართველოს ტექნიკურ უნივერსიტეტში კითხულობს ლექციების კურსს ელექტროენერგეტიკის წამყვან საგნებში, ხელმძღვანელობს სტუდენტ-მაგისტრანტებსა და დოქტორანტებს. არის ენერგეტიკისა და ტელეკომუნიკაციების ფაკულტეტის სრული პროფესორი. ავტორია 120-ზე მეტი სამეცნიერო ნაშრომის, მათ შორის, გამოგონებების, სახელმძღვანელოების და მონოგრაფიების, რომლებიც გამოცემულია საქართველოსა და უცხოეთში. მისი თანაავტორობით და რედაქტორობით გამოცემულია წიგნები - "მუდმივი დენის უკონტაქტო ელექტრული ძრავები" და "ელექტროტექნიკის ტერმინოლოგიური ლექსიკონი". დაჯილდოებულია საპატიო სიგელებითა და მედლებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.181

• საქართველოს ენერგეტიკის აკადემია, აკადემიკოსი

• Бесконтактные электрические двигатели постоянного тока (Co-Author). - Тбилиси, 1986. - 200с.
• Процессы и оборудование электронно-ионной технологии : Сб. научных трудов (Co-Author). - Тбилиси, НИИ ЭТ, 1985. - 139с.