ვახტანგ კუხალეიშვილი

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1951 წელს, მიენიჭა ინჟინერ-ელექტრიკოსის კვალიფიკაცია.

1942 წელს გაიწვიეს მეორე მსოფლიო ომში და 1946 წლამდე იბრძოდა როგორც რიგითი მეზღვაური სამხედრო-საზღვაო ფლოტში. მიღებული აქვს მრავალი სამხედრო ჯილდო. 1946 წელს სწავლა გააგრძელა საქართველოს პოლიტექნიკურ ინსტიტუტში. 1951-1954წწ. მუშაობდა ინჟინრად "საქნავთობში"; 1955-1964წწ. - ინსტიტუტ "ენერგოქსელპროექტში" ინჟინრის, ჯგუფის ხელმძღვანელის, მთავარი სპეციალისტის თანამდებობებზე; 1964 წლიდან ხელმძღვანელობდა "ელექტროსისტემების პერსპექტიული დაპროექტების" განყოფილებას. მისი ხელმძღვანელობითა და უშუალო მონაწილეობით შემუშავდა საქართველოს ენერგოსისტემის განვითარების სქემები, რომლებიც შემდეგ გამოყენებულ იქნა კონკრეტული ენერგოობიექტების დაპროექტების დროს. 1989 წლიდან გარდაცვალებამდე იყო "ელექტროსისტემების პერსპექტიული დაპროექტების" განყოფილების მთავარი სპეციალისტი. მონაწილეობდა "საქართველოს ენერგეტიკული პროგრამის" და "საქართველოს ენერგეტიკის განვითარების კონცეფციის "დამუშავებაში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.183-184

• 1979 - საქართველოს დამსახურებული ინჟინერი