გრიგოლ მესხი

დაბადების ადგილი: ქ. ქუთაისი.

დაამთავრა ლენინგრადის ელექტრომექანიკური ინსტიტუტი ინჟინერ-ელექტრიკოსის კვალიფიკაციით 1930 წელს.

1931 წელს დაიწყო შრომითი საქმიანობა ამიერკავკასიის ჰესების მშენებლობის ტრესტის ობიექტზე. სხვადასხვა წლებში იყო რიცეულისა და ხრამ-I ჰესების მშენებლობის მთავარი ინჟინერი, სამგორის ჰესების მსენებლობის მთავარი ინჟინერი, სამგორის ჰესების მშენებლობის უფროსი. 1957 წლიდან მუშაობდა საქართველოს ენერგეტიკისა და ენერგეტიკულ ნაგებობათა სამეცნიერო-კვლევით ინსტიტუტში ლაბორატორიის გამგედ. ტექნიკურ მეცნიერებათა კანდიდატი (1962). 1963-1970წწ. მუშაობდა საქართველოს სახალხო მეურნეობის საბჭოში ხელმძღვანელ თანამდებობებზე; 1971 წლიდან - ენერგეტიკისა და ენერგეტიკულ ნაგებობათა სამეცნიერო-კვლევით ინსიტუტში ნატურულ დაკვირვებათა განყოფილების გამგედ; 1992 წლიდან სიცოცხლის ბოლო დღეებამდე ხელმძღვანელობდა მის მიერ ჩამოყალიბებულ ჰიდროტექნიკურ ნაგებობათა დიაგნოსტიკის სამეცნიერო-კვლევით ცენტრ "დიანდჰესს", რომელიც საქართველოს მოქმედ და მშენებარე ჰესებზე აწარმოებდა ნატურულ გამოკვლევებსა და ობიექტთა ექსპერტიზის სამუშაოებს. ავტორია 40 სამეცნიერო-ტექნიკური ხასიათის სტატიისა, მიღებული აქვს 4 საავტორო მოწმობა გამოგონებებზე. მიღებული ჰქონდა სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.226-227

• საქართველოს დამსახურებული ინჟინერი