ლეონ ორბელი

დაბადების ადგილი: სოფელი დარაჩიჩაგი, ნახიჩევანის მახლობლად, სომხეთი.

დაამთავრა პეტერბურგის საიმპერატორო სამხედრო-სამედიცინო აკადემია 1904 წელს.

ლეონის მშობლები ქორწინების შემდეგ თბილისიდან ქ. ნახიჩევანში გადავიდნენ, რადგან აბგარ ორბელი იქ მოსამართლედ დანიშნეს, 1903 წელს კი სამუშაოდ ქუთაისში გადაიყვანეს, ხოლო 1989 წელს - თბილისში; ლეონ ორბელი საქართველოში 16 წელი ცხოვრობდა; 1889 წლიდან სწავლობდა თბილისის ვაჟთა მე-3 გიმნაზიაში; 1918-1946წწ. იყო პიტერ ლესგაფთის სამეცნიერო კვლევითი ინსტიტუტის ფიზიკურ მეცნიერებათა ფაკულტეტის დეპარტამენტის ხელმძღვანელი; სსრკ მეცნიერებათა აკადემიის ი. პავლოვის სახ. ფიზიოლოგიის ინსტიტუტისა (1936-1950) და სსრკ მედიცინის მეცნიერებათა აკადეემიის ი. პავლოვის სახელობის ევოლუციური ფიზიოლოგიისა და უმაღლესი ნერვიული მოქმედების პათოლოგიის ინსტიტუტის (1939-1950) დირექტორი; 1956 წელს ჩამოაყალიბა და სათავეში ჩაუდგა სსრკ მეცნიერებათა აკადემიის ი. სეჩენოვის სახელობის ევოლუციური ფიზიოლოგიის ინსტიტუტს. ფიზიოლოგი, ევოლუციური ფიზიოლოგიის ერთ-ერთი ფუძემდებელი, სამხედრო სამსახურის გენერალ-პოლკოვნიკი, უცხოეთის მეცნიერებათა აკადემიებისა და საზოგადოებათა საპატიო წევრი, მედიცინის მეცნიერებათო დოქტორი, ბიოლოგიის მეცნიერებათა დოქტორი. მიღებული ქონდა ი. პავლოვის სახელობის პრემია (1937).

წყარო: 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ.203-205

• სსრკ მედიცინის მეცნიერებათა აკადემია, ვიცე-პრეზიდენტი (1942-1946)

• 1945 - სოციალისტური შრომის გმირი
• 1941 - სსრკ სახელმწიფო პრემია