ზაალ მირცხულავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი.

შრომითი საქმიანობა დაიწყო საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში ჰიდრავლიკის განყოფილებაში. 1988-1998წწ. - გაერთიანება "წყალმშენის" სისტემაში სამშენებლო-სამონტაჟო სამმართველოს მთავარი ინჟინრის მოადგილე, მთავარი ინჟინერი, სამშენებლო სამმართველოს უფროსი, ტრესტ "იორ წყალმშენის" მმართველი, ლაკბეს და დალის მთის კაშხლების მშენებლობის უფროსი. 1998 წლიდან ხელმძღვანელობდა ჰიდროტექნიკური ნაგებობების დიაგნოსტიკისა და მონიტორინგის ცენტრს - სს "დიანდჰეს"-ს, რომელიც საქართველოს მოქმედ და მშენებარე ჰესებზე, კაშხლებზე (ენგურჰესი, ჟინვალჰესი, ხრამჰესი, სიონის და ალგეთის გაშხლებზე) აწარმოებდა ინსტრუმენტალურ მონიტორინგს და ობიექტების ტექნიკური მდგომარეობის დიაგნოსტიკის სამუშაოებს. 2008 წლიდან - "თბილისის წყლის" ენერგეტიკული უზრუნვფელყოფის დეპარტამენტის უფროსი, ჟინვალჰესის დირექტორი. გამოქვეყნებული აქვს 20-ზე მეტი სამეცნიერო ნაშრომი, არის 2 გამოგონების ავტორი. ტექნიკურ მეცნიერებათა კანდიდატი (1985).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.238