თეა კატუკია

დაბადების ადგილი: ქ. თბილისი.
1995 წლიდან სწავლობდა ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპული ენებისა და ლიტერატურის ფაკულტეტის ფრანგული ენისა და ლიტერატურის განყოფილებაზე. ორწლიანი სწავლის შემდეგ სწავლა განაგრძო პარიზში, სორბონას უნივერსიტეტში; 1996 წლიდან დაიწყო სამართლის შესწავლა უნივერსიტეტ პარიზი-II-ში (Panthéon-Assas); დაამთავრა სორბონას უნივერსიტეტის პოლიტიკურ მეცნიერებათა და ევროპათმცოდნეობის სამაგისტრო პროგრამა 2001 წელს.

1999-2001წწ. მუშაობდა საფრანგეთის მთავრობისა და ევროკომისიის მიერ დაფუძნებულ საინფორმაციო ცენტრში "ევროპული წყაროები" (Sources d’Europe); 2001-2002წწ. ხელმძღვანელობდა ჟან მონეს სახელობის ასოციაციის მისიას და ორგანიზებას და მონიტორინგს უწევდა ევროკავშირის მომავალთან დაკავშირებულ მაღალი დონის ფრანგულ-გერმანულ შეხვედრებს; 2002-2003წ. ხელმძღვანელობდა საფრანგეთის პანევროპულ კავშირს, ევროკომისიის ეგიდით განსაზღვრული მისიის ხელმაღვანელის როლში; 2003-2007წწ. თანამშრომლობდა საფრანგეთის ეროვნული ასამბლეის მემარჯვენე პარტიის ერთ-ერთ პარლამეტართან; 2004-2011წწ. საკანონმდებლო საქმიანობის პარალელურად, ხელმძღვანელობდა საფრანგეთის პანევროპულ კავშირს, გენერალური დელეგატის რანგში; 2011-2019წწ. გენერალური მდივნის რანგში შეუერთდა საერთაშორისო და სტრატეგიულ საკითხებში სპეციალიზირებულ პრეს-ჯგუფ Areion Group-ს; იგივე წლებში, მან საფუძველი ჩაუყარა და ხელმძღვანელობდა ინოვაციის, მდგრადი განვითარების და ლურჯი ეკონომიკის თემატიკებისადმი მიძღვნილ ორ საერთაშორისო ჟურნალს Green innovation და Blue innovation; 2012 წელს გახდა საერთაშორისო საფრთხეების პრევენციისა და ანალიზის ცენტრის (CAPRI) გენერალური მდივანი; 2012 წელს ელჩად დანიშვნამდე უძღვებოდა პრეს-ჯგუფ Areion Group-ის ჟურნალ დიპლომატიის DIPLOMATIE რედაქციას, მთავარი რედაქტორის რანგში. 2019-2022წწ. საქართველოს საგანგებო და სრულუფლებიანი ელჩი საფრანგეთის რესპუბლიკაში და მონაკოს სამთავროში, საქართველოს მუდმივი წარმომადგენელი იუნესკოში.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.89