რამაზ ქაცარავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ტექნოლოგის კვალიფიკაციით 1966 წელს; მოსკოვის დ.ი. მენდელეევის სახ. ქიმიურ-ტექნოლოგიური ინსტიტუტის ასპირანტურა 1971 წელს.

1966 წელს საქართველოს პ. მელიქიშვილის სახ. ფიზიკური და ორგანული ქიმიის ინსტიტუტის უმცროსი მეცნიერ თანამშრომელი; 1970-1973წწ. რუსეთის მეცნიერებათა აკადემიის ა. ნ. ნესმეიანოვის სახ. ელემენტორგანულ ნაერთთა ინსტიტუტი (ИНЭОС) უმცროსი მეცნნიერ თანამშრომელი; 1974-1986წწ. საქართველოს მეცნიერებათა აკადემიის ი. ბერიტაშვილის სახ. ფიზიოლოგიის ინსტიტუტის უფროსი მეცნნიერ თანამშრომელი; 1986-1998წწ. საქართველოს მეცნიერებათა აკადემიის მოლეკულური ბიოლოგიისა და ბიოფიზიკის ინსტიტუტის ლაბორატორიის დამაარსებელი და ხელმძღვანელი; 1998 წლიდან - საქართველოს ტექნიკური უნივერსიტეტის სამედიცინო ბიოტექნოლოგიისა და ბიოინჟინერიის კვლევითი ცენტრის ხელმძღვანელი; 2002 წლიდან - საქართველოს ტექნიკური უნივერსიტეტის პროცესებისა და აპარატების და ზოგადი ქიმიური ტექნოლოგიის კათედრის გამგე; 2009 წლიდან – ი. ჯავახიშვილის თბილისის სახელმწიფო უნივერსიტეტის სამედიცინო პოლიმერული მასალების ინსტიტუტის დირექტორი; საქართველოს აგრარული უნივერსიტეტის სრული პროფესორი, ქიმიისა და მოლეკულური ინჟინერიის ინსტიტუტის ხელმძღვანელი. ქიმიის მეცნიერებათა კანდიდატი (1971 წელი, მოსკოვი), ქიმიის მეცნიერებათა დოქტორი (1988 წელი, მოსკოვი), პროფესორი. დაჯილდოებულია ინტელექტუალური საკუთრების საერთაშორისო ორგანიზაციის (WIPO) ოქროს მედლით. მრავალი სამეცნიერო ნაშრომის ავტორი.

წყარო: საქართველოს ტექნიკური უნივერსიტეტის ქიმიური ტექნოლოგიისა და გეოლოგიის ფაკულტეტის ვებგვერდი: gtu.ge; თავისუფალი უნივერსიტეტის ვებგვერდი: freeuni.edu.ge

• European Tissue Culture Society, წევრი
• ამერიკის ქიმიური საზოგადოება, წევრი
• რუსეთის მეცნიერებათა აკადემიის მაღალმოლეკულურ ნაერთთა სამეცნიერო საბჭო, წევრი
• საქართველოს ეკოლოგიურ მეცნიერებათა აკადემია, წევრი
• საქართველოს საინჟინრო აკადემია, წევრი
• საქართველოს ქიმიური საზოგადოება, წევრი

• ღირსების ორდენი

• სამედიცინო დანიშნულების დისპერსიული სისტემები ბიოდეგრადირებადი პოლიესტერამიდების საფუძველზე (თანაავტორი). - თბილისი, ტექ. უნ-ტი, 2013. - 170გვ.. - ISBN: 9789941202049
• ფუნქციური პოლიმერები და მათი გამოყენება სამეცნიერო კვლევებში, ტექნოლოგიებსა და ბიომედიცინაში (თანაავტორი). - თბილისი, ტექ. უნ-ტი, 2009. - 168გვ.. - ISBN: 9789941147210