ერეკლე საღლიანი

დაბადების ადგილი: სოფელი ბეჩო, მესტიის რაიონი.

დაამთავრა თბილისის სახელმწიფო უნივერსიტეტის ხელოვნების ისტორიის ფაკულტეტი.

1979 წელს მუშაობდა მესტიის არქოლოგიურ ექსპედიციაში, შემდგომ წლებში მუშაობა განაგრძო ჯანაშიას სახელობის მესტიის ისტორიულ-ეთნოგრაფიის მუზეუმში უმცროს მეცნიერ-თანამშრომლად; მუშაობდა "რაინდთა სკოლაში" მასწავლებლად, ბიზნეს სკოლაში, ტელევიზია "ობიექტივის" წამყვანად; მონაწილეობას იღებდა აფხაზეთში განვითარებულ ქართველთა და აფხაზთა შორის დაპირისირებისა და სისხლის ღვრის ასაცილებლად. იგი ერთ-ერთი დამფუძნებელია საზოგადოება "შუმერის" და არჩეულია ფაზისის აკადემიის საპატიო წევრად; იყო დამფუძნებელი და რედაქტორი ჟურნალებისა "ხატაურა" და "ზედაშე". პირველი ლექსი ("ენგური") გამოაქვეყნა ჟურნალ "პიონერში" (1967); ავტორია პოეტური კრებულებისა: "უსათაურო", "რაშოუდა" (2011), "შამარირა" (2016). ქართულად თარგმნილი აქვს ფედერიკო გარსია ლორკას, სერგეი ესენინის, უილიამ ფროსტის ლექსები. 

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.333; არმური: armuri.georgianforum.com

• ფაზისის აკადემია, საპატიო წევრი