გიორგი ყარალაშვილი

დაბადების ადგილი: ქ. რუსთავი.
დაამთავრა თბილისის სახელმწიფო უნივერსიტეტის ფიზიკის ფაკულტეტი 1981 წელს; ვენის დიპლომატიური აკადემია 1996 წელს; ჯორჯ მარშალის ცენტრი – უსაფრთხოების კვლევების ევროპული ცენტრი, სამთვიანი კურსები 2009 წელს.

1982-1991წწ. იყო თბილისის სახელმწიფო უნივერსიტეტის უმცროსი მეცნიერ-თანამშრომელი; 1991-1998წწ. საქართველოს საგარეო საქმეთა სამინისტროს პოლიტიკური ანალიზისა და პროგნოზირების სამმართველოს ყოფილი საბჭოთა რესპუბლიკების განყოფილების უფროსის მოადგილე, მე-2 ევროპული დეპარტამენტის მეორე მდივანი, პირველი მდივანი, დსთ-ს დეპარტამენტის ორმხრივ ურთიერთობათა სამმართველოს უფროსის მოადგილე, უფროსი; 1998-2002წწ. აზერბაიჯანის რესპუბლიკაში საქართველოს საელჩოს უფროსი მრჩეველი; 2002-2004წწ. საქართველოს საგარეო საქმეთა სამინისტროს მე-2 ევროპული დეპარტამენტის დირექტორის მოადგილე, რუსეთის დეპარტამენტის დირექტორი; 2004-2007წწ. რუსეთის ფედერაციაში საქართველოს საელჩოს უფროსი მრჩეველი; 2007-2014წწ. საქართველოს საგარეო საქმეთა სამინისტროს გლობალურ ურთიერთობათა დეპარტამენტის რუსეთის სამმართველოს უფროსი, რუსეთის დეპარტამენტის დირექტორის მოადგილე, დსთ-ს ქვეყნებთან ურთიერთობათა დეპარტამენტის დირექტორი; 2014-2018წწ. საქართველოს საგანგებო და სრულუფლებიანი ელჩი თურქმენეთსა და ავღანეთის ისლამურ რესპუბლიკაში; 2018 წლიდან საგარეო საქმეთა სამინისტროს ლევან მიქელაძის სახელობის სასწავლო და კვლევითი ინსტიტუტის მკვლევარი. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.162

• ღირსების ორდენი