გაიოზ როსებაშვილი

დაბადების ადგილი: სოფელი ახალსოფელი, ყვარლის რაიონი.

დაამთავრა საქართველოს პოლიტექნიკური ინსტიტუტი ინჟინერ-გეოლოგის კვალიფიკაციით 1949 წელს.

მუშაობა დაიწყო ქ. სტალინგრადში ნავთობისა და გაზის საძიებო ტრესტის ბურღვის კანტორაში უბნის ინჟინრად, ორი წლის შემდეგ - გეოლოგად. აღნიშნულ თანამდებობაზე მუშაობისას უშუალო მონაწილე იყო რამოდენიმე დიდი ნავთობის საბადოს გახსნისას. 1955-1956წწ. სწავლობდა ქ. მოსკოვში ნავთობისა და გაზის მრეწველობის აკადემიაში. 1958 წელს მუშაობა დაიწყო ტრესტ "საქნავთობში" გეოლოგიური განყოფილების უფროსად; 1965-1975წწ. - ტრესტ "საქნავთობის" სპეციალიზირებული კანტორის დირექტორად; 1975-1985წწ. "საქბურგეოთერმიის" სამმართველოს მთავარ ინჟინრად; 1985-1991წწ. სამმართველოს უფროსად; 1992-1994წწ. სათბობისა და ენერგეტიკის სამინისტროს მრჩევლად; სამინისტროს გაუქმების შემდეგ, 1994 წლიდან - დეპარტამენტ "საქგაზის" ტექნიკური განყოფილების წამყვან სპეციალისტად. 1975 წელს მიენიჭა ნავთობისა და გაზის მრეწველობის სამინისტროს "წარჩინებული მუშაკის წოდება".

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.289-290

• საქართველოს დამსახურებული გეოლოგი